Asqar Mamın QR Premer-Mınıstriniń birinshi orynbasary bolyp taǵaıyndaldy
Bul týraly Aqordanyń baspasóz qyzmeti habarlady.
***
«A.U. Mamındi Qazaqstan Respýblıkasy Premer-Mınıstriniń birinshi orynbasary qyzmetine taǵaıyndaý týraly» Jarlyq
Asqar Uzaqbaıuly Mamın Qazaqstan Respýblıkasy Premer-Mınıstriniń birinshi orynbasary bolyp taǵaıyndalsyn.
Qazaqstan Respýblıkasynyń
Prezıdenti N.Nazarbaev
Astana, Aqorda, 2016 jylǵy 9 qyrkúıek
№ 320
***
Asqar Uzaqbaıuly Mamın 1965 jyly týǵan.
Tselınograd ınjener qurylysy ınstıtýtyn, G.B. Plehanov atyndaǵy Reseı ekonomıkalyq akademııasyn ınjener-qurylysshy, ekonomıst mamandyǵy boıynsha bitirgen.
Eńbek jolyn «Tselıntıajstroı» tresinde montajdaýshylyqtan bastady. 1996-2008 jj. aralyǵynda Astana qalasy ákiminiń birinshi orynbasary, Kólik jáne kommýnıkatsııa vıtse-mınıstri, Indýstrııa jáne saýda birinshi vıtse-mınıstri, Qazaqstan Respýblıkasy Kólik jáne kommýnıkatsııa mınıstri, Astana qalasynyń ákimi qyzmetterin atqarǵan.
2008 jylǵy sáýirden búgingi kúnge deıin «Qazaqstan temir joly» Ulttyq kompanııasy» aktsıonerlik qoǵamynyń prezıdenti bolyp keldi.
