Asqar Mamın Kólik, logıstıka jáne baılanys komıtetiniń tóraǵasy bolyp saılandy - QR UKP

ASTANA. QazAqparat - QR Ulttyq kásipkerler palatasynyń Basqarma tóraǵasy Meıramqul Dúzbaevtiń tóraǵalyǵymen Kólik, logıstıka jáne baılanys komıtetiniń ekinshi otyrysy ótti, dep habarlaıdy palatanyń baspasóz qyzmeti.

Komıtet otyrysynda «QTJ» UK» AQ basshysy, QR UQP Prezıdıýmynyń múshesi Asqar Mamın Kólik, logıstıka jáne baılanys komıtetiniń tóraǵasy bolyp saılandy.

Otyrys barysynda temirjol, avtomobıl jáne teńiz kólikteriniń máselelerimen jáne kóliktik logıstıka, azamattyq avıatsııa jáne baılanys suraqtarymen aınalysatyn komıtet janyndaǵy qurylymdar jasaqtaldy.

Sonymen qatar otyrysta Komıtettiń 2014 jylǵa arnalǵan jumys jospary jasaldy. Sonymen qatar 17-19 aqpan aralyǵynda ótken EEK múshe memleketterdiń sarapshylary shyǵarǵan sheshimder talqyǵa salyndy. QR kóliktik salasyn damytýdyń 2020 jyldarǵa arnalǵan jospary da qaraldy.