Asqar Mamın: Kóktemgi egis jumystaryn ýaqtyly aıaqtaý - mańyzdy másele
NUR-SULTAN. QazAqparat - QR Premer-mınıstri Asqar Mamın jaýapty vedomstvolar men aımaqtarǵa kóktemgi egis jumystaryn ýaqtyly aıaqtaýdy tapsyrdy, dep habarlaıdy QazAqparat tilshisi.
«Jalpy, egis jumystary durys uıymdastyrylyp júrgizilip jatyr. Qarqyn kóńilden shyǵady. Bul suraqtardyń kúndelikti baqylaýda turǵanyn atap ótkim keledi. Aýyl sharýashylyǵy mınıstrligi aımaqtarmen birge egis naýqanyn laıyqty dárejede ári ýaqtyly júrgizedi degen úmittemin. Barlyq uıymdastyrýshylyq jáne qarjylyq baǵyttaǵy jumystar aıaqtaldy dese de bolady. Janar-jaǵarmaımen qamtýda da Energetıka mınıstrligi jaǵdaıdy rettedi. Sol sebepti, barlyq máseleler sheshildi dep esepteımin», - dedi Asqar Mamın Aýyl sharýashylyǵy mınıstrliginde ótken otyrysta.
Úkimet basshysy mamyrdyń úshinshi onkúndiginde aýa raıynyń jaǵdaıy ásirese ortalyq jáne soltústik aımaqtarda qolaısyzdaý bolyp turǵanyn aıtyp ótti.
«Muny da eskerýlerińizdi suraımyn. Sondyqtan, egis jumystaryn ýaqtyly aıaqtaý - mańyzdy másele ekenin eske salǵym keledi», - dep túıdi sózin Asqar Mamın.
Eske sala ketsek, atalǵan otyrysta Aýyl sharýashylyǵy mınıstri Saparhan Omarov Úkimet basshysy Asqar Mamınge kóktemgi dala jumystaryn júrgizý barysyn baıandaǵan bolatyn.
