Asqar Mamın QHR Memlekettik keńesiniń Premeri Lı Ketsıanmen kezdesti
TAShKENT. QazAqparat – QR Premer-Mınıstri Asqar Mamın Shanhaı Yntymaqtastyq Uıymyna (ShYU) múshe memleketterdiń Úkimetter basshylary keńesiniń (ÚBK) 18-shi otyrysyna qatysý úshin Tashkent qalasyna jasaǵan sapary aıasynda QHR Memlekettik keńesiniń Premeri Lı Ketsıanmen ekijaqty kezdesý ótkizdi, dep habarlaıdy primeminister.kz.
«Qazaqstan Prezıdenti Qasym-Jomart Toqaevtyń bıyl qyrkúıek aıynda QHR-ǵa jasaǵan alǵashqy memlekettik sapary barysynda bizdiń memleketterimizdiń basshylary qol qoıǵan QR-QHR Birlesken málimdemesi eki el arasyndaǵy jan-jaqty strategııalyq seriktestikti naqtylady», - dedi A.Mamın.
Qytaı Qazaqstannyń asa iri saýda seriktesi. Sońǵy ýaqytta eki el arasyndaǵy saýda kólemi edáýir arttyryldy. 2019 jyldyń 8 aıynda ekijaqty saýda kólemi 26%-ǵa artyp, $9,2 mlrd qurady.
Taraptar saýda-ekonomıkalyq, ındýstrııalyq, ınvestıtsııalyq, energetıkalyq, kólik-logıstıkalyq yntymaqtastyq, aýyl sharýashylyǵy ónimderin óndirý jáne óńdeý, elektrondy saýda, AHQO damytý salalaryndaǵy ózara is-qımyl, sondaı-aq transshekaralyq ózenderdi paıdalaný jáne qorǵaý máselelerin talqylady.
