Asqar Mamın Qazaqstandaǵy AQSh elshisi Ýılıam Mozermen kezdesti
NUR-SULTAN. QazAqparat - QR Premer-Mınıstri Asqar Mamın Qazaqstandaǵy AQSh elshisi Ýılıam Mozermen kezdesti, dep habarlaıdy QazAqparat QR Úkimetiniń baspasóz qyzmetine silteme jasap.
Kezdesý barysynda ınvestıtsııalyq salada, munaı salasynda, agroónerkásiptik sektorda yntymaqtastyqty odan ári damytý máseleleri talqylandy.
«Qurama Shtattar Qazaqstannyń basty seriktesteri men ınvestorlarynyń biri bolyp qala bermek», - dep QR Premer-Mınıstri, 2018 jylǵy qańtardaǵy QR Tuńǵysh Prezıdenti N. Á. Nazarbaev pen AQSh Prezıdenti D.
Tramp qol jetkizgen ýaǵdalastyqtardy iske asyrýdyń, sondaı-aq, ózara tıimdi ózara is-qımyl kókjıegin keńeıtýdiń mańyzdylyǵyn atap ótti.
2018 jyldyń qorytyndysy boıynsha QR men AQSh arasyndaǵy taýar aınalymy 37,3% $2,2 mlrd deıin ósti. Amerıkalyq ınvestıtsııalardyń Qazaqstan ekonomıkasyna aǵymy 44,7% ósti jáne $5,3 mlrd jetip, jańa absolıýtti rekord ornatty.
«Investıtsııalar tartyp, strategııalyq ınvestıtsııalyq jobalardy iske asyrý úshin ınvestorlarǵa asa qolaıly jaǵdaı jasaýǵa erekshe nazar aýdarylady. Jańa tásilder amerıkalyq seriktester úshin neǵurlym qolaıly jaǵdaı jasaıdy», - dedi A. Mamın.
Perspektıvaly eksportqa baǵdarlanǵan salalarda ınvestıtsııalyq jobalardy iske asyrý máselelerin tıimdi sheshý úshin tikeleı sheteldik ınvestıtsııalar boıynsha Úılestirý keńesi jáne Tikeleı sheteldik ınvestıtsııalar qory quryldy.
QR Premer-Mınıstri iri amerıkalyq kompanııalardyń agroónerkásiptik sektordaǵy jobalaryn júzege asyrýdyń perspektıvalyǵyn atap ótti jáne óńir naryqtaryna shyǵýmen Qazaqstan aýmaǵynda óndiristi uıymdastyrýdyń múmkindigine toqtaldy.
Óz kezeginde, Ý. Mozer ınvestıtsııalyq ahýaldy jaqsartý tásilderin joǵary baǵalap, amerıkalyq taraptyń yntymaqtastyqty qoldanystaǵy formatta jalǵastyrýǵa daıyn ekenin jetkizdi.
