Asqar Mamın Qazaqstanda modýldik úı qurylysyn keńinen qoldanýdy tapsyrdy
Úkimet basshysy salynyp bitken «7ıA» turǵyn úı kesheniniń sapasyn tekserip, Nur-Sultan, Almaty jáne Shymkent qalalarynda modýldik úı qurylysyn odan ári keńeıtý jónindegi josparlarmen tanysty. «7ıA» turǵyn úı kesheniniń modýldik bloktary Nur-Sultan qalasyndaǵy ModeX zaýytynda jasalǵan, onyń avtomattandyrylǵan konveıerlik jelisi 2020 jylǵy jeltoqsanda Úkimet basshysynyń qatysýymen ashylǵan edi.
Kásiporynda AQSh, Sıngapýr jáne Germanııada qoldanylatyn iri blokty úı qurylysynyń ınnovatsııalyq tehnologııalary engizilgen, olar qurylys merzimin qysqartýǵa, onyń sapasyn arttyrýǵa jáne turǵyn úıdiń ózindik qunyn tómendetýge múmkindik týdyrady. Jańa ozyq tehnologııa qurylys salasynyń odan ári damýyna jáne jalpy alǵanda, Qazaqstandy ındýstrııalandyrýǵa serpin beredi. Búkil álemde mundaı zaýyttar sanaýly ǵana. Elordadaǵy alǵashqy zaýyt kompanııa úshin arnaıy ázirlengen jeke joba boıynsha salyndy. Ony qurý úshin Germanııa, Italııa, Túrkııa, Reseı jáne Qazaqstan ınjenerleri jumys istedi. Sonyń arqasynda úzdik álemdik tájirıbelerdi qoldana otyryp, biregeı kólemdi blok-modýlder óndirisi quryldy.
Іri blokty úı qurylysy klımattyq jaǵdaılarǵa táýeldi emes, óıtkeni jumystyń 80%-y — armatýra baılamynan bastap, santehnıkany qosa alǵanda, taza árleýdegi modýlderdi qalyptastyrýǵa deıin kásiporynda júzege asyrylady, bul barlyq protsesterdi edáýir jyldamdatady. Máselen, aýdany 9 myń sharshy metr bolatyn 16 qabatty «7ıA» turǵyn úıin salý úshin bar bolǵany 6 aı ýaqyt qajet boldy. Aldaǵy ýaqytta modýldik turǵyn úı qurylysynyń merzimin 3 aıǵa deıin qysqartý josparlanyp otyr. Modýlderdi óndirýge qajetti negizgi materıal — keramzıtbeton. Kásiporynnyń temirbeton ónimi «QazQSǴZI» AQ-nyń joǵary beriktigine, seısmoturaqtylyǵyna, uzaq merzimge jaramdylyǵyna jáne shýdy oqshaýlaýyna jasalǵan synaǵynan sátti ótti. Kópsatyly operatsııalyq baqylaýdyń jáne avtomattandyrýdyń joǵary deńgeıiniń arqasynda joǵary sapaly ónimge qol jetkiziledi. ModeX zaýytynyń jobalyq qýaty jylyna 200 myń sharshy metr turǵyn úıdi quraıdy. 2023 jylǵa deıin jalpy jobalyq qýaty 500 myń sharshy metr turǵyn úıdiń qosymsha eki kezegin salý josparlanýda. 2-shi jáne 3-shi kezekti iske qosýdyń arqasynda kásiporyndaǵy turaqty jumys oryndarynyń sany 700-den 1200 adamǵa deıin artady.
Modýldik úı qurylysy tehnologııasy boıynsha salynǵan turǵyn úıdi kompanııa daıyn jóndeý jumystarymen jáne otandyq óndiristiń – Shymkent pen Pavlodar jıhaz zaýyttarynyń kiriktirilgen joǵary sapaly jıhazymen qosa, tolyq ótkizedi. Bul rette páterler saýsaq izi boıynsha esikti ashý fýnktsııasy bar elektrondyq qulyptar, kiriktirilgen qaýipsizdik júıesi, IP-domofonııa jáne basqa da ınnovatsııalar tárizdi smart-optsııalarmen jasaqtalǵan. 2021 jyldyń sońyna deıin Nur-Sultan qalasynda modýldik konstrýktsııalardan salynǵan 100 myń sharshy metr turǵyn úıdi paıdalanýǵa berý josparlanyp otyr. «Qazaqstan boıynsha úı qurylysy kombınattaryn ashyp, iri blokty úı qurylysy tehnologııasy boıynsha turǵyn úı qurylysyn aýqymdy etý qajet. Bul elimizdiń turǵyn úı jáne áleýmettik ınfraqurylymyn salý kólemin keńeıtý, halyqty qoljetimdi turǵyn úımen qamtamasyz etý jónindegi mindetterdi sheshýge yqpal etetin bolady», — dedi A. Mamın. 2021 jyldyń 4 aıynda Nur-Sultan qalasynda 709,3 myń sharshy metr turǵyn Qazaqstanda 2021 jyldyń qorytyndysy boıynsha jalpy aýdany 17 mln sharshy metr 163,1 myń turǵyn úıdi paıdalanýǵa berý josparlanýda, QR-da jalǵa beriletin jáne kredıttik páterlermen halyqtyń áleýmettik osal toptary, jastar, bıýdjettik uıymdar qyzmetkerleri qatarynan 22,5 myńnan astam otbasy qamtamasyz etiledi. Inspektsııalyq saparǵa Nur-Sultan qalasynyń ákimi Altaı Kólginov, ındýstrııa jáne ınfraqurylymdyq damý mınıstri Beıbit Atamqulov jáne t. b. qatysty.
