Asqar Mamın Qazaqstan áıelderin 8 naýryz merekesimen quttyqtady
NUR-SULTAN. QazAqparat - QR Premer-Mınıstri Asqar Mamın Qazaqstan áıelderin 8 naýryz – Halyqaralyq áıelder kúnimen quttyqtady, dep habarlaıdy QazAqparat Úkimet basshysynyń resmı saıtyna silteme jasap.
«Qurmetti hanymdar, sizderdi Halyqaralyq áıelder kúnimen quttyqtaımyn!
Kóktemniń bul kúni sizderdiń kúlkilerińizben bizdi nurlandyrady. Sizder otbasylaryńyz ben týǵan-týystaryńyzǵa ǵana qamqorlyq tanytyp qoımaı, Qazaqstannyń da damýyna ólsheýsiz úles qosyp kelesizder.
Sizder aınalaǵa mahabbat pen qamqorlyq jáne analyq jylý syılaısyzdar. Biz sizderdi tek mereke kúnderi emes, árdaıym qurmetteımiz, baǵalaımyz!
Shyn júrekten sizderge densaýlyq, baqyt, bereke tileımin»,- delingen quttyqtaýda.
