Asqar Mamın «Kazakh Invest» dırektorlar keńesiniń otyrysyn ótkizdi
QR Premer-Mınıstri Asqar Mamınniń tóraǵalyǵymen ótken «Kazakh Invest» Ulttyq kompanııasy» AQ dırektorlar keńesiniń otyrysynda bıylǵy jylǵy 11 aıdaǵy jumys qorytyndysy qaraldy.
Qazirgi kezde «Kazakh Invest»-tiń qoldaýymen jalpy kólemi $55 mlrd-qa jýyqty quraıtyn 228 ınvestıtsııalyq joba agroónerkásip, mashınajasaý, taý-ken metallýrgııasy, munaıgaz hımııasy, kólik-logıstıka, jańartylatyn energetıka jáne qurylys ındýstrııasy salalarynda pysyqtalyp, iske asyrylýda. Top ınvestor elderdiń qataryna Eýropalyq Odaq memleketteri, AQSh, Reseı, Túrkııa, Sıngapýr men Qytaı kiredi.
Bıyl 11 aıda $454 mln-ǵa 8 joba iske asyryldy, $487 mln quraıtyn 10 joba boıynsha paıdalanýǵa berý josparlanǵan, kólemi $3,4 mlrd bolatyn 21 joba boıynsha qurylys-montajdaý jumystary bastaldy.
Otyrysta jańa redaktsııasyndaǵy shtattar sany men uıymdastyrý qurylymy, ishki aýdıt qyzmetiniń esebi, dırektorlar keńesiniń 2020 jylǵa jumys jospary bekitildi, sondaı-aq basqa da máseleler qaraldy.
