Asqar Mamın Qaraǵandy oblysynda jańa ferroqorytpa zaýytynyń ashylýyna qatysty
NUR-SULTAN.QazAqparat - QR Premer-Mınıstri Asqar Mamın Qaraǵandy oblysyna jumys sapary barysynda ferroqorytpalar óndirý zaýytynyń ashylý saltanatyna qatysyp, taý-ken baıytý kesheniniń birqatar kásipornyna bardy. Bul týraly Úkimettiń baspasóz qyzmeti málim etti.
QR Úkimetiniń basshysy jańa ferroqorytpa zaýytynyń ashylýymen quttyqtap, óńirdiń odan ári áleýmettik-ekonomıkalyq damýy úshin joǵary tehnologııalyq kásiporynnyń mańyzdylyǵyn atap ótti. Jobanyń ereksheligi — «Indýstrııa 4.0» baǵdarlamasy aıasynda óndiristik tsıkldiń jańa tehnologııalyq ázirlemelerin engizý.
Kásiporynda alǵashqy kezeńderde jylyna tolyqtaı eksportqa baǵdarlanǵan 180 myń tonna ónim shyǵarý kózdelgen.
«Aldaǵy ýaqytta jyl saıyn 240 myń tonnaǵa deıingi kólemde ónim shyǵarý kózdelgen», — dep A. Mamın, «gaz tazartý júıeleriniń kesheni jáne kómirdiń ornyna elektr qýatyn paıdalaný atmosferaǵa taratylatyn zııandy qaldyqtardy tolyqtaı beıtaraptandyratynyn, sáıkesinshe, qorshaǵan ortaǵa teris áseri barynsha az bolatynyn» atap ótti.
Jańa ferroqorytpa zaýyty metallýrgııa salasyndaǵy basty kásiporyndardyń birine aınalady jáne tek óńirdiń ǵana emes, sondaı-aq jalpy elimizdiń áleýmettik-ekonomıkalyq damýyna oń úlesin qosady.
Ferrosılıtsııdiń negizgi kólemi Reseıge, Túrkııaǵa, Ońtústik Koreıaǵa, AQSh-qa jáne Eýropalyq Odaq elderine jetkiziledi. Sonymen qatar, daıyn ónim óndirý kezindegi qazaqstandyq qamtý úlesi 94%-dan astamdy quraıdy.
Zaýyt qurylysy kezeńinde myń jarymnan astam jańa jumys orny quryldy. Ony paıdalaný kezeńinde 350 turaqty jumys orny ashylady, ekinshi kezeń iske asyrylǵan jaǵdaıda olardyń sany 550-ge deıin artady.
QR Premer-Mınıstri Qaraǵandy oblysynyń Qazaqstannyń óńdeý, metallýrgııa, taý-ken óndirý ónerkásibi, qara jáne tústi metallýrgııa, mashına jasaý salasyn damytýdaǵy mańyzdy rólin atap ótti.
«Qaraǵandy oblysynda ónerkásipti ártaraptandyrý, júıe quraýshy kásiporyndardy jańǵyrtý, ınvestıtsııalar tartý jumystary jalǵasyp jatyr», — dep A. Mamın, barlyq tartylǵan ınvestıtsııalardyń 93% - jeke, olardyń jartysy – sheteldik ekenin aıtty. Oblysta 1 trln-nan astam teńgege 35 jańa iri ınvestıtsııalyq joba iske asyrylyp jatyr, olardyń 17-sine sheteldikter qatysýda. 2019 jyldyń birinshi jarty jyldyǵynda ınvestıtsııalar ósimi 72% qurady.
QR Premer-Mınıstri Qaraǵandy oblysyna jumys sapary barysynda «Alaıǵyr» ken ornynnyń qorǵasyn-kúmis kenin óńdeıtin jáne baıytatyn, katodty mys óndiretin kásiporyndaryna, sondaı-aq, «Kóktasjal» ken orny bazasyndaǵy taý-ken baıytý keshenine bardy.
Asqar Mamın «SES Saran» kún elektr stantsııasyn tekserip, Qaraǵandy qalasynyń soltústik jáne shyǵys aınalma joly rekonstrýktsııalanǵan avtokólik jolymen tanysty. Uzyndyǵy 20 km-dan astam «Qarasor kólinen aınala Kókpekti-Qaraǵaıly» aınalma temir jol jelisi qurylysy jobasyn qaraý barysynda sý tasqyny saldarynan zııan keltirilgen t/j joldarynyń bóligin qalpyna keltirý jumystarynyń barysy týraly baıandaldy.
