Asqar Mamın: Qabyldanǵan is-sharalardyń arqasynda pandemııanyń syn-qaterlerin eńserdik

NUR-SULTAN. QazAqparat – Qabyldanǵan is-sharalardyń arqasynda pandemııanyń syn-qaterlerin eńserdik. Bul týraly búgin Úkimet otyrysynda QR Premer-Mınıstr Asqar Mamın aıtty, dep habarlaıdy QazAqparat tilshisi.

«Pandemııa jalǵasyp, vırýstyń jańa shtamdary paıda bolyp jatyr. Vırýs jahandyq ekonomıkaǵa túbegeıli ózgerister engizýde. Aldaǵy ýaqytta pandemııa jaǵdaıynda jumysty jalǵastyrý qajet. Jalpy qabyldanǵan is-sharalardyń arqasynda biz pandemııanyń syn-qaterlerin eńserdik. Shekteýler jaǵdaıynda áleýmettik-ekonomıkalyq turaqtylyqtyń saqtalýyn, jumyssyzdyqtyń kúrt ósýine jol berilmeýin jáne halyqtyń tabysynyń azaımaýyn qamtamasyz ete aldyq», - degen Asqar Mamın áriptesterine eńbekteri úshin alǵys bildirip, kele jatqan Jańa jyl merekesimen quttyqtady.