Asqar Mamın ınnovatsııalar men tsıfrlandyrý salasyndaǵy sheteldik sarapshylarmen kezdesti

NUR-SULTAN. QazAqparat - QR Premer-Mınıstri Asqar Mamın «Digital Almaty: jahandyq ekonomıkanyń tsıfrlyq bolashaǵy» forýmyna qatysý úshin Almaty qalasyna kelgen tsıfrlandyrý jáne ınnovatsııalar salasyndaǵy sheteldik iskerlik, úkimettik jáne sarapshylyq orta ókilderimen kezdesýler ótkizdi, dep habarlaıdy primeminister.kz.

«Amazon Web Services» úkimetti transformatsııalaý jónindegi dırektory L. Maksvellmen kezdesýde Úkimet basshysy kompanııa basshylyǵyn Astana IT University-men kadrlar daıarlaý boıynsha yntymaqtastyqty damytýǵa, sondaı-aq Astana IT Hub bazasynda jobalardy júzege asyrýǵa shaqyrdy.

Ulybrıtanııanyń Memlekettik tsıfrlyq qyzmetiniń dırektory K. Fergıýsonmen kelissózder barysynda memlekettik qyzmet kórsetý salasyn, salyq júıesin tsıfrlandyrý, memlekettik organdardyń aqparattyq júıelerin ıntegratsııalaý, sondaı-aq AT-mamandaryn daıarlaý men olardyń biliktiligin arttyrý boıynsha tájirıbe almasý máseleleri qaraldy.

BUU Balalar qorynyń (ıÝNISEF) ınnovatsııalar jónindegi aǵa keńesshisi K. Fabıanmen kezdesýde orta bilim berý mektepterin ınternetke joǵary jyldamdyqty qoljetimdilikpen qamtamasyz etýge jáne ınnovatsııalyq startaptardy damytýǵa baǵyttalǵan GIGA bastamasyn iske asyrý boıynsha Qazaqstanda ıÝNISEF-tiń óńirlik habyn ashý perspektıvalary talqylandy.