Asqar Mamın ındýstrııalyq damýdyń 2025 jylǵa deıingi tujyrymdamasynyń jańartylǵan jobasyn engizýdi tapsyrdy

NUR-SULTAN. QazAqparat – Búgin Úkimet otyrysynda QR Premer-Mınıstri Asqar Mamın monoqalalarda iske asyrý úshin asa tıimdi ındýstrııalyq jobalar toptamasyn pysyqtaýdy tapsyrdy, dep habarlaıdy QazAqparat tilshisi.

«Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda óńdeý ónerkásibine erekshe ról beriledi. Indýstrııa mınıstrligine aǵymdaǵy jylǵy 10 jeltoqsanǵa deıin Úkimetke Indýstrııalyq-ınnovatsııalyq damytýdyń 2025 jylǵa deıingi tujyrymdamasynyń jańartylǵan jobasyn engizýdi tapsyramyn», - dedi A. Mamın.

Onyń aıtýynsha, Memleket basshysynyń tapsyrmasyna sáıkes Úkimet damý áleýeti joǵary monoqalalardyń tizbesin qalyptastyrýy qajet, keshendi damytý josparlary ázirlenedi.

Osy oraıda Indýstrııa, Ulttyq ekonomıka mınıstrlikteri men ákimdikterge 2022 jylǵy 1 naýryzǵa deıin óńirlerdiń ereksheligin eskere otyryp, monoqalalarda iske asyrý úshin asa tıimdi ındýstrııalyq jobalar toptamasyn pysyqtaý tapsyryldy.

«Salalardy damytýdyń asa mańyzdy mindeti olardy óndiristik protsesterge jańa tehnologııalardy engizý jónindegi trendke beıimdeý bolyp otyr. Osyǵan baılanysty óńdeý sektorynda tsıfrlyq sheshimderdi qoldaý quraldarynyń tizbesin keńeıtý qajet. Indýstrııa mınıstrligi 2022 jylǵy 1 naýryzǵa deıin kásiporyndarda tsıfrlyq sheshimderdi engizýdi yntalandyrý boıynsha qajetti normatıvtik-quqyqtyq bazanyń qabyldanýyn qamtamasyz etsin. Jalpy, Memleket basshysynyń óńdeý ónerkásibin damytýdy qamtamasyz etý jónindegi tapsyrmalary sapaly, ári belgilengen merzimde oryndalýǵa tıis», - dedi Úkimet basshysy.