Asqar Mamın: Halyqty vaktsına alýǵa yntalandyratyn tásilder oılastyrý kerek
NUR-SULTAN. QazAqparat – «Ashyq» qosymshasyn engizýdi ulǵaıtý kerek. Bul týraly QR Premer-Mınıstri Asqar Mamın aıtty, dep habarlaıdy QazAqparat tilshisi.
«Ózderińizge belgili, aımaqtaǵy kórshiles memleketterde aýrýdyń ósýi baıqalady. Sondyqtan, qosymsha aldyn alý sharalaryn qabyldaý qajet. Birinshi kezekte bul - vaktsınalaýmen qamtýdy ulǵaıtý. Vaktsınalaýdy odan ári keńeıtip, kún saıynǵy qarqynyn barynsha ulǵaıtý qajet», - dedi Asqar Mamın.
Sonymen qatar Úkimet basshysy «Ashyq» qosymshasyn engizýdi ulǵaıtý kerektigin basa aıtty.
«Aqparattyq-túsindirý jumystaryn kúsheıtip, halyqtyń vaktsına alýyn yntalandyratyn pármendi tásilder oılastyrý qajet», - degen Premer-Mınıstr jalpy baqylaýdy orynbasary Eraly Toǵjanovqa júktedi.
