Asqar Mamın: Halyqqa jappaı vaktsına salýdy uıymdastyrý — eń mańyzdy mindet
NUR-SULTAN. QazAqparat – Halyqqa jappaı vaktsına salýdy uıymdastyrý eń mańyzdy mindet. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.
«Búgingi tańda, qyzyl aımaqtaǵy 5 óńirge, atap aıtqanda, Nur-Sultan qalasy, Pavlodar, Aqmola, Qostanaı, Atyraý oblystaryna taǵy da bir óńir qosyldy. Bul - Soltústik Qazaqstan oblysy. Jalpy, respýblıka boıynsha vırýstyń reprodýktıvtik kórsetkishi – 1,1. Aýrýhanalardaǵy ınfektsııalyq oryndardyń júktelýi - 2%, reanımatsııalyq oryndar – 23 paıyz», - dedi Asqar Mamın.
Sonymen qatar, ol qazirgi tańda halyqqa jappaı vaktsına salýdy uıymdastyrý eń mańyzdy mindet bolyp sanalatyndyǵyn basa aıtty.
«Ózderińizge málim, otandyq vaktsına klınıkalyq synaqtardyń III kezeńinen ótkizilip jatyr, jáne de «Spýtnık V» vaktsınasynyń sapasy attestatsııalanýda. GMP standarty boıynsha vaktsınalar shyǵaratyn bıofarmzaýyt qurylysy júrgizilip jatyr», - dedi Asqar Mamın.
