Asqar Mamın Eýropalyq komıssııanyń vıtse-prezıdenti Valdıs Dombrovskıspen kezdesti

BІShKEK. QazAqparat – Búgin Bishkekte QR Úkimet basshysy Asqar Mamın Eýropalyq komıssııanyń vıtse-prezıdenti Valdıs Dombrovskıspen kezdesti, dep habarlaıdy QazAqparat tilshisi.

Taratylǵan málimetke qaraǵanda, kezdesý barysynda Eýropalyq odaq pen Ortalyq Azııa arasyndaǵy ózara yntymaqtastyq máseleleri talqylandy.

Aıta keteıik, búgin Qyrǵyzstan astanasynda «Eýropalyq Odaq – Ortalyq Azııa» halyqaralyq birinshi ekonomıkalyq forýmy ótedi.

Onyń aıasynda plenarlyq otyrysqa Qazaqstan Premer-Mınıstri Asqar Mamın, Qyrǵyzstan Mınıstrler kabınetiniń tóraǵasy Aqylbek Japarov, Ózbekstan Premer-Mınıstri Abdýlla Arıpov, sondaı-aq Tájikstan men Túrikmenstanyń úkimet músheleri qatysady dep kútilýde.

Sonymen qatar forýmǵa EO-nyń Ortalyq Azııa boıynsha arnaýly ókili Terı Hakala, Eýropalyq komıssııanyń vıtse-prezıdenti Valdıs Dombrovskıs te keledi. Atalǵan jıynǵa onlaın-rejımde Eýropalyq Komıssııanyń tóraǵasy Ýrsýla fon der Lıaıen qosylady dep josparlanyp otyr.