Asqar Mamın EO dıplomatııalyq mıssııalarynyń basshylarymen kezdesti
Bul týraly QazAqparat QR Úkimetiniń baspasóz qyzmetine silteme jasap habarlaıdy.
Taraptar saýda-ekonomıkalyq jáne ınvestıtsııalyq ózara is-qımyldyń ózekti máseleleri boıynsha birinshi kezdesýden keıin úsh aı ishinde atqarylǵan jumystardyń nátıjelerin, sonyń ishinde qazaqstandyq ónimderdiń EO-ǵa eksportyn ilgeriletý, aýyl sharýashylyǵy, energetıka, kólik, keden, qorshaǵan orta jáne klımattyń ózgerýi salalaryndaǵy yntymaqtastyq máselelerin, QR-daǵy ınvestıtsııalyq ahýaldy jetildirý jónindegi zańnamalyq sharalardy, sondaı-aq osy jyldyń 30 qyrkúıeginde ótken saýda konfıgýratsııasyndaǵy «Qazaqstan – EO» yntymaqtastyq komıtetiniń 3-otyrysynyń nátıjelerin talqylady.
QR Premer-Mınıstri Asqar Mamın Tuńǵysh Prezıdent – Elbasy Nursultan Nazarbaev pen Memleket basshysy Qasym-Jomart Toqaev QR-nyń mańyzdy saýda-ekonomıkalyq seriktesteriniń biri sanalatyn Eýropalyq Odaq elderimen yntymaqtastyqqa úlken kóńil bóletinin atap ótti.
Eýropalyq Odaq elderine Qazaqstanǵa salynǵan tikeleı sheteldik ınvestıtsııalardyń jartysynan kóbi tıesili. 2005 jyldan bastap 2019 jyldyń birinshi jarty jyldyǵyna deıin EO shamamen $150 mlrd ınvestıtsııa saldy. EO sonymen birge Qazaqstan Respýblıkasynyń eń iri saýda seriktesi bolyp tabylady – 2019 jyldyń shildesindegi jaǵdaı boıynsha taýarlar men qyzmetterdiń ekijaqty aınalymy shamamen $20 mlrd jetti.
«Eýropalyq Odaq sarapshylarynyń qosqan úlesteri basqarý, jekeshelendirý, tsıfrlandyrý, memlekettik-jekemenshik áriptestik, turaqty damý salalaryndaǵy keıbir negizgi strategııalarymyz ben qujattarymyzdy ázirleý jáne iske asyrý úshin mańyzdy boldy. Olar Qazaqstan ekonomıkasynyń ósýine jáne el halqynyń ál-aýqatyn jaqsartýda úlken ról atqarady», - dedi A. Mamın.
Premer-Mınıstr tikeleı sheteldik ınvestıtsııalar men saýda kóleminiń ósýin qamtamasyz etý Qazaqstan Úkimetiniń jumysynyń basym baǵyttarynyń biri ekenin atap aıtty. Asqar Mamın Eýropalyq Odaq elshilerin Qazaqstannyń EO-men ekonomıkalyq yntymaqtastyǵyna yqpaldasý boıynsha budan ári ashyq ári belsendi dıalogqa shaqyrdy.
«Bizdiń bolashaqtaǵy kún tártibin jańa betalystarǵa ıkemdirek etip, týyndaǵan syn-tegerýinder men múmkindikterge jaqsyraq ún qatýǵa jol ashatyn usynymdarmen jumys isteýimiz kerek», - dedi Úkimet basshysy.
Óz kezeginde dıplomatııalyq mıssııalardyń basshylary Qazaqstanda bıznesti júrgizý úshin qolaıly jaǵdaılar týdyrý boıynsha jumystardyń oń dınamıkasyn atap ótti.
QR-daǵy EO Ókildiginiń basshysy Sven-Olov Karlsson QR Úkimetiniń ınvestıtsııalyq ahýaldy jetildirý boıynsha jasap jatqan belsendi umtylystary Qazaqstan men Eýropalyq Odaq elderiniń saýda-ekonomıkalyq jáne ınvestıtsııalyq yntymaqtastyǵynyń damýyna qosymsha serpin beretinine senim bildirdi.
Talqylaýǵa EO saýda-sattyq jónindegi Bas Dırektoratynyń Ortalyq Azııa, Reseı, TMD, Ýkraına, Batys Balqan men Túrkııa boıynsha bólim basshysy Petros Sýrmelıs, Germanııa, Frantsııa, Nıderlandy, Polsha, Avstrııa, Ispanııa, Estonııa, Italııa, Latvııa, Grekııa, Ispanııa, Horvatııa, Rýmynııa, Slovakııa, Vengrııa elshileri, Lıtva, Portýgalııa, Bolgarııa, Fınlıandııa, Belgııa, Chehııa ókilderi, álemdik iri kompanııalardyń basshylary, ókilderi qatysty.
