Asqar Mamın: Ekonomıkanyń oń ósimi - jeke sektor men óndiristik áleýetti qoldaýdyń tıimdiligi

NUR-SULTAN. QazAqparat – Ekonomıkanyń oń ósimi - eldiń jeke sektory men óndiristik áleýetin qoldaý jónindegi is-sharalardy iske asyrý tıimdiliginiń mańyzdy ındıkatory. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Bıylǵy jylǵy qańtar-sáýirdiń qorytyndysy boıynsha barlyq 7 negizgi makrokórsetkish boıynsha Mańǵystaý oblysy men Shymkentte ósý baıqalady. 6 kórsetkish boıynsha 5 óńirde ósý tirkeldi. Olar – Aqmola, Aqtóbe, Jambyl, Qaraǵandy jáne Qostanaı oblystary. Bes óńirde 5 kórsetkish boıynsha oń serpin baıqalady. Olar – Shyǵys Qazaqstan, Pavlodar, Soltústik Qazaqstan oblystary men Nur-Sultan, Almaty qalalary», - dedi Asqar Mamın.

Úkimet basshysy Batys Qazaqstan oblysynda kórsetkishter tómen ekendigin basa aıtty.

«Ekonomıkanyń oń ósimi - pandemııany tejeý, sondaı-aq eldiń jeke sektory men óndiristik áleýetin qoldaý jónindegi is-sharalardy iske asyrý tıimdiliginiń mańyzdy ındıkatory bolyp sanalady. Ekonomıkanyń osy qarqynyn aldaǵy aılarda saqtap, ony ulǵaıtý mańyzdy», - dedi Premer-Mınıstr.