Asqar Mamın Tsıfrlandyrý máseleleri jónindegi komıssııa otyrysyn ótkizdi
Qazaqstan Respýblıkasynyń Premer-Mınıstri Asqar Mamınniń tóraǵalyǵymen QR Prezıdenti janyndaǵy Tsıfrlandyrýdy engizý máseleleri jónindegi komıssııa otyrysy ótti.
Otyrysta QR Tuńǵysh Prezıdenti - Elbasy Nursultan Nazarbaev bastamashy bolǵan «Tsıfrlyq Qazaqstan» memlekettik baǵdarlamasyn iske asyrý barysy jáne Memleket basshysy Qasym-Jomart Toqaevtyń el ekonomıkasyn tsıfrlandyrýdy jedeldetý jónindegi tapsyrmalaryn oryndaý máselesi qaraldy.
Taý-ken kesheni, óńdeý ónerkásibi, agroónerkásiptik sektorda tsıfrlandyrýdy engizý boıynsha qabyldanyp jatqan sharalar týraly QR ındýstrııa jáne ınfraqurylymdyq damý mınıstri R. Sklıar, QR aýyl sharýashylyǵy mınıstri S. Omarov, QR tsıfrlyq damý, ınnovatsııalar jáne aeroǵarysh ónerkásibi mınıstri A. Jumaǵalıev, energetıka vıtse-mınıstri Á. Maǵaýov baıandady.
Taý-ken metallýrgııa kesheni jáne óńdeý ónerkásibi salasynda 200-ge tarta tsıfrlyq jobalar júzege asyrylyp jatyr, onyń ishinde 12 modeldik tsıfrlyq fabrıka qurylǵan. Agroónerkásiptik keshende elektrondy saýda alańyn, mal sharýashylyǵy men ósimdik sharýashylyǵynda ónimdi tańbalaý jáne qadaǵalaý júıesin engizý, tsıfrlyq fermalar qurý, memlekettik qyzmetterdi avtomattandyrý boıynsha tsıfrlyq jobalar qoldanylýda. Otyn-energetıka kesheninde «Zııatkerlik ken oryndary», «Tsıfrlyq kenish» aqparattyq júıeleri, munaıdy esepke alý, Biryńǵaı elektroenergetıkalyq júıe rejımderin basqarýdy avtomattandyrý engizilip jatyr.
Ekonomıka salalarynda tsıfrlandyrýdy engizý esebinen ónimdiliktiń jyl saıynǵy ósimin 2-10%-ǵa, ken oryndaryndaǵy óndirý ósimin - 3% arttyrý, óndiristik shyǵyndardy 10-20% qysqartý, AÓK-te dálme-dál eginshilikti qoldaný esebinen ónimdilikti 25-50% ulǵaıtý kútilýde.
Otyrystyń qorytyndysyn shyǵara otyryp, QR Premer-Mınıstri Asqar Mamın tsıfrlyq kún tártibiniń mańyzdylyǵyn aıta otyryp, ekonomıka salalarynda tsıfrlyq sheshimderdi engizý jumysyn kúsheıtýdi tapsyrdy.