Asqar Mamın Chevron-nyń barlaý jáne óndirý jónindegi prezıdenti Todd Levımen kezdesti
NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın Eýropa, Eýrazııa jáne Taıaý Shyǵystaǵy Chevron barlaý jáne óndirý jónindegi prezıdenti Todd Levımen kezdesý ótkizdi, dep habarlaıdy primeminister.kz.
Kelissózder barysynda munaı-gaz salasyndaǵy birlesken jobalardy iske asyrýdyń ózekti máseleleri qaraldy. «Shevron»-men yntymaqtastyq Teńiz, Qarashyǵanaq jobalary jáne Kaspıı qubyr konsortsıýmyn keńeıtý jobalary boıynsha júzege asyrylady.
Taraptar barlyq jobalarda qolaıly eńbek jaǵdaılaryn qamtamasyz etýdiń mańyzdylyǵyn atap ótti.
Todd Levı búginde Atyraý oblysyndaǵy Teńiz keń ornyndaǵy jaǵdaı turaqty ekenin atap ótti. Óndiristik protsester shtattyq rejımde jalǵasyp jatyr.
Óz kezeginde, QR Úkimetiniń basshysy qajetti eńbek jaǵdaılaryn qamtamasyz etýdiń basymdyǵyn atap ótti.
«Qyzmetkerlerdiń qaýipsizdigi men turaqtylyǵy barlyq jumys berýshiler úshin alǵashqy basymdyq bolýy tıis», - dep Asqar Mamın, Teńizdegi jaǵdaıdyń erekshe baqylaýǵa alynǵanyn atap ótti.
