Asqar Mamın birqatar mınıstrler men oblys ákimderine tapsyrma berdi
NUR-SULTAN. QazAqparat - Kásipkerlik pen otandyq óndiristi qoldaýdyń jańa sharalary 200 myń jańa jumys ornyn qurýǵa múmkindik beredi. Bul týraly Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.
«Ulttyq ekonomıka, Eńbek, Aýyl sharýashylyǵy mınıstrlikteri úsh kún merzimde salalyq memlekettik baǵdarlamalarǵa tıisti ózgerister engizý boıynsha qaýly jobalaryn tártippen engizsin. Ákimderge ónerkásip oryndarymen jumys oryndaryn saqtaý boıynsha arnaıy jumys júrgizýdi tapsyramyn», - dedi Asqar Mamın.
Úkimet basshysynyń atap ótýinshe, jalpy kásipkerlik pen otandyq óndiristi qoldaýdyń jańa sharalary 200 myń jańa jumys ornyn qurýǵa múmkindik beredi.
«Eńbek mınıstrligi jumyspen qamtýdyń jańa jol kartasyn qabyldaýdy qamtamasyz etsin», - dedi Premer-Mınıstr.
