Asqar Mamın «Báıterek» holdınginiń dırektorlar keńesiniń otyrysyn ótkizdi
ASTANA. QazAqparat - Úkimet úıinde QR Premer-Mınıstri Asqar Mamınniń tóraǵalyǵymen «Báıterek» ulttyq basqarýshy holdıngi» AQ Dırektorlar keńesiniń otyrysy ótti, dep habarlaıdy primeminister.kz.
Otyrys barysynda 15 mlrd teńge somasyna avtobýstardy, traktorlar men kombaındardy lızıngke satyp alý úshin Holdıngtiń quramyna kiretin «QDB-Lızıng» AQ-nyń jarǵylyq kapıtalyn arttyrý týraly sheshim qabyldandy.
Budan ózge, qazaqstandyq jeńil avtokólikterdi satyp alýshy jeke tulǵalarǵa nesıe berý úshin ekinshi deńgeıli bankterdi shartty qarjylandyrý arqyly otandyq avto óndirýshilerdi qoldaý úshin Qazaqstannyń Damý bankine keıinnen qaryz berýmen «Báıterek» holdıngine nesıe berý maquldandy.
Ekinshi baǵyt - qazaqstandyq aýyl sharýashylyǵy tehnıkasyn qospaǵanda, avto kólik quraldary men arnaıy maqsattaǵy avto tehnıkalaryn lızıngke satyp alatyn zańdy jáne jeke kásipkerlerdi lızıngtik qarjylandyrýǵa nesıe berý.
Dırektorlar keńesiniń músheleri 2019 jylǵa Bıznes-protsester, táýekelder jáne baqylaýlar matrıtsasyn jáne Holdıngtiń Іshki aýdıt qyzmetiniń 2018 jylǵy IV toqsandaǵy esebin bekitti.
