Asqar Mamın «Báıterek» holdıngi Dırektorlar keńesiniń otyrysyn ótkizdi
NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen «Báıterek» UBH» AQ Dırektorlar keńesiniń kezekti otyrysy ótti, dep habarlaıdy QazAqparat Úkimettiń basshysynyń baspasóz qyzmetine silteme jasap.
Otyrysta qarjylyq nátıjelerge qol jetkizý, kapıtal naryqtarynda qarajat tartý, kásipkerlikti qoldaý, turǵyn úı qoljetimdiligin arttyrý, klıentke baǵdarlanǵan praktıkalardy damytý turǵysynan holdıng qyzmetiniń negizgi kórsetkishteri qaraldy.
2018 jyldyń qorytyndysy boıynsha Damý josparyn oryndaý boıynsha esepte usynylǵan aqparatqa sáıkes, kirister jospardaǵy 346,6 mlrd teńge kezinde 107,6%-ǵa oryndaldy jáne 372,9 mlrd teńgeni qurady, taza paıda 174%-ǵa oryndaldy jáne 34,72 mlrd teńgeni qurady (jospar – 19,98 mlrd teńge). «Báıterek» holdınginiń aktıvteri jyl sońyna 4 719 mlrd teńgeni qurady (jospardan 103%).
Otyrys barysynda 2018 jylǵy jyldyq esep, damý jospary men damý ınstıtýtynyń jyldyq bıýdjetiniń oryndalýy týraly esepter bekitildi.
Budan ózge, Dırektorlar keńesi holdıngtiń Korporatıv basqarýdy jetildirý jónindegi 2019–2020 jyldarǵa arnalǵan is-sharalar josparyn bekitti, onda korporatıvtik basqarýdy odan ári damytýǵa baǵyttalǵan 47 is-shara bar. Sondaı-aq keıinnen Jalǵyz aktsıonerdiń bekitýi úshin kompanııanyń korporatıvtik basqarý kodeksine ózgerister men tolyqtyrýlar aldyn ala qaraldy.
Dırektorlar keńesiniń músheleri holdıngtiń Іshki aýdıt qyzmetiniń 2019 jylǵy II toqsandaǵy esebin bekitti jáne taýarlardy, damý ınstıtýtynyń jumystardy jáne kórsetiletin qyzmetterdi satyp alýdy júzege asyrý qaǵıdalaryna ózgerister engizildi.
