Asqar Mamın Baıqońyrdaǵy «Báıterek» ǵaryshtyq zymyran kesheni qurylysy barysymen tanysty

ASTANA. QazAqparat - Búgin QR Premer-Mınıstriniń birinshi orynbasary Asqar Mamın jumys saparymen Qyzylorda oblysynda  boldy, dep habarlaıdy óńir basshysynyń baspasóz qyzmeti.

Sapar barysynda Asqar Mamın Baıqońyr qalasyndaǵy «Báıterek» ǵaryshtyq zymyran kesheniniń qurylysyn júzege asyrý jobasynyń barysymen  tanysty.

 

Qazaqstan-Reseı birlesken jobasy 2004 jyldan bastap júzege asyrylýda jáne «Baıqońyr» kesheninde ekologııalyq taza zymyran tasyǵyshtardy ushyrý maqsatyn kózdeıdi. Joba júzege asyrylǵan jaǵdaıda ýly otyn komponentterin qoldanatyn  «Proton» zymyran tasyǵyshynan  bas tartýǵa bolady dep boljanýda. «Báıterek» kesheniniń qurylysy 2021 jyly aıaqtalady dep josparlanǵan.

 

Budan bólek, Asqar Mamın «Baıqońyr» keshenindegi nysandardy  qaıta óńdeý jónindegi jumystardyń atqarylý barysymen, sondaı-aq,   «Zenıt» jáne «Proton» zymyran tasyǵyshtarynyń synaq korpýstaryn qurastyrý jumystarymen tanysty.