Asqar Mamın bastaǵan jumys toby Ońtústik Qazaqstanǵa keldi
Delegatsııa quramynda QR Investıtsııalar jáne damý vıtse-mınıstri Roman Sklıar, QR Ulttyq ekonomıka vıtse-mınıstri Aıbatyr Jumaǵulov, «Qazaqstan temir Joly» UK» AQ prezıdenti Qanat Alpysbaev, «QazAvtoJol» UK» AQ Basqarma tóraǵasy Ermek Qızatov, «Báıterek» UBH» AQ basqarma tóraǵasynyń orynbasary Ánýar Omarhodjaev bar.
Eń aldymen Asqar Mamın Shymkenttegi halyqaralyq áýejaıdyń jumysyn aralap kórip, onda «Shymkent áýejaıy» AQ Basqarma tóraǵasynyń orynbasary Sáken Mamyrbekovtyń áýejaıdyń jumysy týraly baıandamasyn tyńdady. Budan bólek, jumys toby Ońtústik Qazaqstan oblysynyń ákimi J.Túımebaevtyń qatysýymen ótken áýejaıdy qaıta qurý boıynsha jıynǵa qatysty.
1968 jyly ashylǵan «Shymkent» áýejaıy shekteýsiz áýe kemeleriniń barlyq tıpterin qabyldaıtyn halyqaralyq áýejaı bolyp tabylady. Áýejaı táýlik boıy jumys isteıtin kedendik, shekaralyq jáne sanıtarlyq-karantındik baqylaýdy tolyq kólemde qamtamasyz etedi. Bul jerden Qazaqstan Respýblıkasynyń barlyq oblystarynyń ortalyqtaryna, sonymen qatar TMD elderiniń, alys jáne jaqyn sheteldiń qalalaryna turaqty reıster júzege asyrylady.
Sapar barysynda delegatsııa músheleri «Ońtústik» kóliktik-logıstıkalyq ortalyǵynyń jumysymen tanysty. Qazaqstannyń eýrazııalyq kólik-logıstıkalyq habyna aınalýy boıynsha memlekettik «Nurly jol» baǵdarlamasy aıasynda qurylǵan «Ońtústik» kólik-logıstıkalyq ortalyqtyń aýmaǵy 92 gektardy quraıdy.
Qazirgi tańda atalǵan aımaqta jekemenshik 8 ınvestıtsııalyq joba júzege asyrylýda. Onyń ishinde «Kazakhstan Logistics group» JShS men «Zerde» NPO JShS kompanııalary óz jobalarynyń birinshi kezeńin iske qosty. Búgingi tańda iske qosylǵan qoımalardyń jalpy aýmaǵy 18 326 sharshy metrdi quraıdy. Al osy jyldyń sońyna deıin «Continental Logistics Shymkent» JShS-niń 20 736 sharshy metr qoımasy men «Zerde» JShS-niń 5 760 sharshy metr qoımasy bar ınvestıtsııalyq jobasynyń ekinshi kezeńi iske qosylmaq. Qalǵan ınvestıtsııalyq jobalardyń qurylys-montajdaý jumystarynyń 30 paıyzy aıaqtalyp otyr.
Budan soń, Asqar Mamın Ordabasy aýdanynda ornalasqan Indýstrııalandyrý kartasyna engen «Agro V» kirpish zaýytyn aralap kórdi. Joba quny 527 mln teńgeni quraıtyn zaýyt jylyna 25 mıllıon kirpish ónimin shyǵarady. Bunda 60 azamat jańa jumys ornymen qamtamasyz etilgen. Zaýyt qysy-jazy jumys jasaıdy. Mundaǵy tehnologııalyq qural-jabdyqtar arnaıy tapsyryspen Qytaı Halyq Respýblıkasynan alynǵan. Jabdyqtar kóp komponentti qospalardan joǵary sapaly ónim shyǵarýǵa jáne tolyǵymen avtomattandyrylǵannyń esebinen kirpishterdiń geometrııalyq pishinderin saqtaýǵa múmkindik beredi. Sondaı-aq, kirpishterdi kúıdirýge arnalǵan peshtiń elimizde balamasy joq.
