Asqar Mamın BAÁ elshisine «Dostyq» ordenin tabystady

NUR-SULTAN. QazAqparat - QR Premer-Mınıstri Asqar Mamın Qazaqstandaǵy dıplomatııalyq mıssııasyn aıaqtap jatqan QR-daǵy Birikken Arab Ámirlikteriniń (BAÁ) Tótenshe jáne Ókiletti Elshisi Muhammed Ahmed Sultan Isa Ál-Djaberdi qabyldady. Bul týraly QazAqparat Úkimet basshysynyń baspasóz qyzmetine silteme jasap habarlaıdy.

A. Mamın M. Ál-Djaberge QR men BAÁ arasyndaǵy ekijaqty qarym-qatynasty damytýǵa qosqan qomaqty úlesi úshin bıylǵy 6 mamyrda QR Prezıdenti Qasym-Jomart Toqaevtyń Jarlyǵymen taǵaıyndalǵan ІІ dárejeli «Dostyq» ordenin tabystady.

Úkimet basshysy BAÁ dıplomatymen eki eldiń saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyǵy máselelerin talqylady.

BAÁ-dan QR-ǵa tikeleı sheteldik ınvestıtsııalardyń jalpy aǵyny $2,1 mlrd quraıdy, QR-dan BAÁ-ge — shamamen $1 mlrd. Qazaqstanda Ámirlik kapıtalynyń qatysýymen 342 birlesken kásiporyn tirkelgen.

Kezdesýge QR syrtqy ister mınıstri M. Tileýberdi qatysty.