Asqar Mamın Astana kontrretteýishiniń jumysymen tanysty
ASTANA. QazAqparat - Búgin Qazaqstan Respýblıkasy Premer-Mınıstriniń birinshi orynbasary Asqar Mamın Astananyń aýdandary men perspektıvalyq qurylystaryn sý tasqynynan ınjenerlik qorǵaýǵa arnalǵan Astana kontrretteýishiniń jumysymen tanysty.
QR Іshki ister mınıstriniń orynbasary ıÝ.Ilın Astana kontrretteýishiniń qazirgi jumysy týraly baıandady. Onyń aıtýynsha, kontrretteýish uzyndyǵy 31 km bolatyn qorǵanysh bógetinen turady jáne 450 mln tekshe metr kólemge deıin tasqyn sýdy ýaqytsha ustap tura alady.
ıÝ.Ilın qazirgi ýaqytta kontrretteýishte Astana (Vıacheslav) sý qoımasynan tastalǵan 250 mln tekshe metr sý jınaqtalǵanyn habarlady.
Kontrretteýish Esil ózenine sekýndyna 40 tekshe metrden aspaıtyn sýdy (táýligine 3,5 mln. tekshe metr) ótkizedi.
Eske sala ketsek, nysan qurylysy 2010 jyly aıaqtaldy jáne sol jyly Astana kontrretteýishi 31,8 mln tekshe metr sýdy ustap qaldy. Onda 2014 jyly - 138 mln m³ , 2015 jyly - 249,8 mln m³, 2016 jyly - 45,0 mln m³ sý jınaldy, osylaısha Astana qalasy men onyń tóńiregin sý basýdan qorǵaý qamtamasyz etildi.
Aralaý qorytyndysy boıynsha QR Premer-Mınıstriniń birinshi orynbasary QR ІІM men Astana qalasynyń ákimdigine birqatar naqty tapsyrmalar berdi. A.Mamın «Astana kontrretteýishiniń jaǵdaıyna turaqty monıtorıng júrgizý qajettigin» basa aıtty.
