Asqar Mamın «Arcelor Mittal» kompanııasynyń basshysy Lakshmı Mıttalmen kezdesti

NUR-SULTAN. QazAqparat – QR Premer-Mınıstri Asqar Mamın «Arcelor Mittal» atqarýshy tóraǵasy Lakshmı Mıttalmen kezdesý ótkizdi, dep habarlaıdy QazAqparat Úkimettiń resmı saıtyna silteme jasap.

Lakshmı Mıttal Úkimet basshysyna kompanııanyń Qazaqstandaǵy qyzmetin odan ári damytý josparlaryn tanystyrdy.

A. Mamın tirshilikti qamtamasyz etý boıynsha óndiris pen ınfraqurylymdy jańǵyrtý, zamanaýı ekologııalyq taza tehnologııalardy engizý, áleýmettik jobalardy iske asyrý, densaýlyq saqtaý jáne eńbek qaýipsizdigi salalarynda joǵary standarttardyń saqtalýyn qamtamasyz etý jónindegi «Arcelor Mittal» is-sharalaryn ótkizýdiń mańyzdylyǵyn atap ótti.

«Arselor Mıttal Temirtaý» AQ – Qaraǵandy oblysyndaǵy iri metallýrgııalyq kásiporyn. 30 myńnan astam qazaqstandyq kompanııanyń metallýrgııa, kómir jáne temir keni bólimshelerinde jumys isteıdi. Kásiporyn ónimderiniń 80%-ǵa jýyǵy álemniń 75 eline eksporttalady.

Kezdesýge QR Premer-Mınıstriniń orynbasary Roman Sklıar, Qaraǵandy oblysynyń ákimi Jeńis Qasymbek, ındýstrııa jáne ınfraqurylymdyq damý mınıstri Beıbit Atamqulov, ekologııa, geologııa jáne tabıǵı resýrstar mınıstri Maǵzum Myrzaǵalıev, sondaı-aq QR Qarjy mınıstrliginiń Memlekettik kirister komıtetiniń tóraǵasy Marat Sultanǵazıev qatysty.