Asqar Mamın amerıkalyq bıznesti QR Jeke ınvestıtsııalar qoryn qarjylandyrýǵa shaqyrdy
«Quny 1 mlrd dollardy quraıtyn Jeke ınvestıtsııalar qoryn ashýdy josparlap otyrmyz. Shıkizattyq sektordaǵy jobalarymyzdy keńeıtpekpiz. Sonymen qatar, AQSh-taǵy seriktesterimizdi qordy qarjylandyrýǵa jáne basqarýǵa shaqyramyz. Bıznes-ahýaldy jaqsartý úshin jeke sektordy ekonomıkaǵa tartyp otyrmyz. Іri kompanııalarymyz memlekettik-jekeshelik áriptestik ustanymynyń arqasynda jekeshelendiriledi. Búginde biz memlekettik-jekeshelik áriptestik aıasyndaǵy jobalardy tabysty júzege asyrýdamyz. Sondyqtan amerıkalyq seriktesterdi atalǵan jobalar men baǵdarlamalarǵa qatysýǵa shaqyramyn», - dedi Úkimet basshysynyń birinshi orynbasary.
Sonymen qatar, ol Qazaqstanda ınvestorlar úshin qolaıly saýda-sattyq jaǵdaıy jasalyp jatqanyn jáne bul ekonomıkalyq saıasattyń basymdyǵy sanalatynyn basa aıtty.
«Prezıdent Nursultan Nazarbaev basym bóligin sheteldik kompanııalardyń ókilderi quraıtyn Shetel ınvestorlary keńesiniń jumysyna jeke ózi jaýap beredi. 2017 jyldyń shildesinde ashylǵan Astana halyqaralyq qarjy ortalyǵy aldyńǵy qatarly tehnologııalarǵa arqa súıeıdi. Bul - ınvestorlardy qorǵaý úshin negizgi ınstıtýt. Ol Nıý-Iork, London jáne Dýbaı qarjy ortalyqtarynyń úzdik tájirıbesin qamtıdy. Onyń úzdik aktsıoneri - NASDAQ Goldman Sachs», - dedi Asqar Mamın.
Aıta keteıik, forým jumysyna AQSh Saýda mınıstri Ýılbýr Ross pen QR Premer-Mınıstriniń birinshi orynbasary Asqar Mamın, 20-dan astam amerıkalyq kompanııanyń basshylary, qazaqstandyq bıznes ókilderi, mınıstrlikter men vedomstvo basshylary qatysty.
Shara aıasynda aýyl sharýashylyǵy, ınfraqurylym, avıaqurylys, tsıfrlandyrý jáne aqparattyq tehnologııalar salalaryn qamtıtyn 8 ekijaqty qujatqa qol qoıyldy.
Esterińizge sala ketsek, AQSh-tyń Saýda mınıstri Ýılbýr Ross elimizge sapary aıasynda Elbasy Nursultan Nazarbaevpen kezdesip, sonymen birge QR Premer-Mınıstri Baqytjan Saǵyntaevpen ekonomıkalyq yntymaqtastyq máselelerin talqylady.
