Asqar Mamın Aqtóbedegi Ońtústik aınalma jol qurylysyn qarap shyqty
AQTÓBE. QazAqparat - Aqtóbege kelgen Úkimet basshysy Asqar Mamın jol qurylysy, josparymen tanysty, dep habarlaıdy QazAqparat tilshisi.
Aqtóbe qalasynda 2011 jyldan bastap aınalma joldar salynyp jatyr. Soltústik aınalma jol 2011-2013 jyldar aralyǵynda salynyp, qoldanysqa berildi. Al Ońtústik aınalma jol 2014 jyldan beri jalǵasyp kele jatyr.
«Ońtústik aınalma jolynyń uzyndyǵy 35 shaqyrymdy quraıdy. Aldymen 21 shaqyrym jol salyndy. Ekinshi kezeńde kópir qurylysy da bar. 2020-2021 jyldary aıaqtaý josparda bar. Aqtóbe qalasyn aınalyp ótýge múmkindik beretin joldy tolyq aıaqtaý úshin taǵy 2,8 mıllıard teńge qajet. Úkimetten qarjylyq qoldaý suraımyz», - dedi Aqtóbe oblystyq jolaýshylar kóligi jáne avtomobıl joldary basqarmasynyń basshysy Málimbet Ibrashev.
Al Aqtóbe-Orsk tasjolynyń 16 shaqyrymyna jóndeý qajet bolsa, bıyl 8 shaqyrymy qoldanysqa beriledi. Kelesi jyly jumysty aıaqtaý úshin respýblıkalyq bıýdjetten 500 mıllıon teńge qarjy suraldy.
Aıta keteıik, Aqtóbede Batys aınalma joly da daıyndalyp jatyr. Úshinshi aınalma joldyń tehnıkalyq-ekonomıkalyq negizdemesi daıyndalyp, memlekettik saraptamaǵa jiberildi.
Premer-Mınıstr kópir qurylysymen tanysyp, qarjy jaıyn da surady.
Eske salsaq, Aqtóbege Úkimet basshysy jumys saparymen kelip, turǵyn úı qurylysymen tanysty.
