Asqar Mamın ákimdikterde azamattardy jeke qabyldaýdy uıymdastyrýdyń úlgilik reglamentin bekitti

NUR-SULTAN. QazAqparat – Premer-Mınıstr Asqar Mamın oblystardyń, respýblıkalyq mańyzy bar qalalar men elorda ákimderi apparattarynda halyqty jeke qabyldaýdy uıymdastyrýdyń úlgilik reglamentin bekitti, dep habarlaıdy QazAqparat primeminister.kz saıtyna silteme jasap.

Qazaqstan Respýblıkasy Úkimetiniń 2020 jylǵy 8 qyrkúıektegi №560 Qaýlysy
Oblystardyń, respýblıkalyq mańyzy bar qalalardyń jáne astananyń ákimderi apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń úlgilik reglamenti men Oblystardyń, respýblıkalyq mańyzy bar qalalardyń jáne astananyń ákimderi apparattarynyń ótinishterdi qaraýdy baqylaý bólimderi týraly úlgilik erejeni bekitý týraly

Qazaqstan Respýblıkasynyń Úkimeti QAÝLY ETEDІ:

1. Mynalar:

1) osy qaýlyǵa 1-qosymshaǵa sáıkes Oblystardyń, respýblıkalyq mańyzy bar qalalardyń jáne astananyń ákimderi apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń úlgilik reglamenti (budan ári – Úlgilik reglament);

2) osy qaýlyǵa 2-qosymshaǵa sáıkes Oblystardyń, respýblıkalyq mańyzy bar qalalardyń jáne astananyń ákimderi apparattarynyń ótinishterdi qaraýdy baqylaý bólimderi týraly úlgilik ereje (budan ári – Úlgilik ereje) bekitilsin.

2. Oblystardyń, respýblıkalyq mańyzy bar qalalardyń jáne astananyń jergilikti atqarýshy organdary osy qaýly qabyldanǵannan keıin bir aı ishinde:

1) Úlgilik reglamentke sáıkes ákimder apparattarynyń laýazymdy adamdarynyń jeke tulǵalardy jáne zańdy tulǵalardyń ókilderin jeke qabyldaýynyń reglamentin ázirlesin jáne bekitsin;

2) ákimder apparattarynyń ótinishterdi qaraýdy baqylaý bólimderi týraly erejelerin zańnamada belgilengen tártippen Úlgilik erejege sáıkes keltirsin;

3) osy qaýlydan týyndaıtyn ózge de sharalardy qabyldasyn.

3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri A. Mamın