Asqar Mamın ákimderge: Bıyl 200 mekteptiń ýaqtyly paıdalanýǵa berilýin qamtamasyz etińizder
«Oblystardyń ákimderi 2021 jyly 200 mekteptiń ýaqtyly paıdalanýǵa berilýin qamtamasyz etsin. Ol úshin ınvestorlardy belsendi tartý kerek, óńirlerde jaqsy mysaldary bar. Mysaly, Nur-Sultanda 6 mektepti birden salý úshin iri ınvestor tartyldy. Óńirler ákimderi qalalyq jáne aýyldyq mektepterde oqytý jaǵdaılarynyń bir deńgeıde bolýyn jáne aýyldyq jerlerde joǵary bilikti muǵalimderdi ustap qalý boıynsha naqty sharalar qabyldaýy kerek», - dedi Úkimet basshysy.
Osy oraıda Asqar Mamın Bilim jáne ǵylym mınıstrligi men oblystardyń ákimderine 25 naýryzǵa deıin 5 myń aýyldyq mektepti jańartý jónindegi jol kartasyn engizýdi tapsyrdy.
«Onda aýyldyq mektepti oqý jáne tıisti tehnıkalyq quraldarymen qamtamasyz etý, jóndeý, qaýipsiz orta, mektep jıhazdaryn jańartý, kitaphanalar men mektep ashanalaryn jańartý boıynsha naqty ındıkatorlardy belgileý qajet», - dedi Premer-Mınıstr.
