Asqar Mamın ákimderdiń orynbasarlaryna qatysty tapsyrma berdi

NUR-SULTAN. QazAqparat – Memlekettik jáne jergilikti atqarýshy organdardyń ınvestıtsııa tartýǵa jaýapty orynbasarlary mańyzdy fýnktsııasyna basa nazar aýdarýy qajet. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Jyl endi bastalsa da, mınıstrlikter men ákimdikter jumysty jandandyryp, tıisti sharalar qabyldaýy kerek jáne belgilengen maqsattar men mindetterdi dál oryndaýy tıis», - dedi Premer-Mınıstr.

Osy rette Asqar Mamın orynbasary – Syrtqy ister mınıstri Muhtar Tileýberdiniń usynysyn qoldaıtynyn atap ótti.

«Memlekettik organdardyń birinshi basshylaryna, óńirlerdiń ákimderine jáne kvazımemlekettik sektordyń basshylaryna ınvestıtsııa tartýǵa jaýapty orynbasarlardyń osy mańyzdy fýnktsııaǵa basa nazar aýdarýyna yqpal etýdi tapsyramyn», - dedi Úkimet basshysy.