Asqar Mamın: 47 myń jobaǵa 2,5 trln teńge jeńildetilgen nesıe beriledi
«Bıznestiń qarqyndy damýyna barynsha qolaıly jaǵdaı jasaý úshin aýqymdy konstrýktıvti jumys júrgizilýde. Sonymen qatar pandemııa óz túzetýlerin engizdi, shekteýlerden shaǵyn jáne orta bıznes zardap shekti. Júrgizilgen jumys nátıjesinde Ekonomıkalyq ósýdi qalpyna keltirý jónindegi 2021 jylǵa arnalǵan keshendi jospar jańartyldy, onda shaǵyn jáne orta bıznes sýbektilerin qoldaýdyń qosymsha 60 sharasy kózdelgen», - dedi Premer-Mınıstr.
Ol, sondaı-aq, salyqtyq jeńildikter arqyly bıznestiń júktemesin azaıtý, salyqtyq ákimshilendirýdi jeńildetý, jeńildetilgen qarjylandyrýǵa qoljetimdilikti keńeıtý, memlekettik satyp alýǵa qoljetimdilikti jeńildetý, kásipkerlik qyzmetti retteýdi azaıtý sharalarynyń júıeli júrgizilgenin atady.
«Bıyl shaǵyn jáne orta bıznestiń qarjylandyrýǵa qoljetimdiligin keńeıtý sheńberinde 47 myńǵa jýyq jobany qamtı otyryp, 2,5 trln teńgeden astam jeńildikpen kredıt berý usynyldy. Kásipkerlikti qoldaý baǵdarlamalary boıynsha bıznestiń ótinimderin qaraý merzimderin 21 kúnnen 5 jumys kúnine deıin qysqartý jumysy júrgizildi. Kredıtterdi sýbsıdııalaý jáne olarǵa kepildik berý sheńberinde memlekettik kórsetiletin qyzmetterdi tsıfrlandyrý bıyl 97% deıin ulǵaıdy», - dedi Asqar Mamın.
Premer-Mınıstr 2021 jylǵy 1 sáýir – 1 maýsym aralyǵynda shaǵyn jáne orta bıznes sýbektileri úshin eńbekaqy tóleý qorynan ustalatyn salyqtardyń barlyq túrin tóleý merzimi keıinge shegerilgenin eske saldy. Bul bızneske shamamen 200 mlrd teńgeni saqtaýǵa múmkindik bergen kórinedi.