Asqar Mamın 2025 jylǵa qaraı Qazaqstandaǵy týrızmniń úlesi týraly aıtty
ASTANA. QazAqparat -Qazaqstan 2025 qaraı týrızm úlesin Іshki jalpy ónimge shaqqanda 8 paıyzǵa deıin arttyrýdy josparlap otyr. Bul týraly búgin týrızm jáne bolashaq energııasyna arnalǵan halyqaralyq konferentsııada QR Premer-Mınıstriniń birinshi orynbasary Asqar Mamın málim etti, dep habarlaıdy QazAqparat.
«Elimizdiń tabıǵaty adam tartarlyqtaı baı jáne resýstarymyzdyń da úlesi mol. Atap aıtqanda, qazaq tarıhynyń baı murasy men tabıǵaty ıÝNESKO-nyń dúnıejúzilik murasy tizimine enip otyr. Ejelgi Jibek jolynyń boıynda mańyzdy ınfraqurlymdyq jeli qurylǵan, bul óz kezeginde týrıster sanynyń artýyna yqpal etýde. Biz 2025 jylǵa qaraı ІJÓ-de elimizdegi týrızmniń úlesin 8 paıyzǵa deıin arttyrýdy josparlap otyrmyz. Qazirgi kezde osy kórsetkish 1 paıyzdy qurady»,-dedi A. Mamın.
Sonymen qatar ol búgingi konferentsııa týrıstik salada ınnovatsııalyq sheshimderdi aıqyndaý úshin konstrýktıvti pikir almasýlarǵa tuǵyrnama bolýy tıis ekenin atap ótti.
Onyń aıtýynsha, Qazaqstan Dúnıejúzilik týrıstik uıymymen (ıÝNVTO) yntymaqtastyqty tereńdete túsetin bolady. Sebebi qazirgi kezde elimizge uıymnyń aldyńǵy qatarly tájirıbesi men qoldaýy qajet. Bul rette Qazaqstandy suranysy joǵary týrıstik baǵytqa aınaldyrý úshin týrıstik ındýstrııanyń ozyq standarttaryna aıryqsha mán berilýde.
