Asqabaq dıetasyn ustap, kúnine jarty keli artyq salmaqtan arylýǵa bolady
ASTANA. QazAqparat - Qytaıda asqabaq pen onyń dánin kúızelistiń taptyrmas emi dep eseptese, Ispanııa men Italııada erte kezden asqabaqtyń ózin ǵana emes, gúlin de tamaqqa qosady. Asqabaqtyń emdik qasıetimen qatar, aryqtatyp, artyq maıdan aryltatyn kúshi de bar, dep jazady anabol.kz.
Bar bolǵany 100 gr asqabaq aǵzaǵa qajetti temirdiń úshten bir bóligin, E dárýmeniniń 15%, S dárýmeniniń 70% táýliktik mólsherimen qamtamasyz etedi. Al 100 gramm asqabaqta 23 kkal kalorııa bar eken. Asqabaq dıetasyn ustaǵanda, orta eseppen, kúnine 500 gr salmaqtan arylýǵa bolady.
Dıeta uzaqtyǵy: 12 kún
Ereksheligi: tutynatyn barlyq taǵamnyń negizgi komponenti - asqabaq bolýy kerek.
Kútiletin nátıje: 12 kúnde, shamamen, 6-7 kg.
Dıeta ustaý jıiligi: jylyna bir retten artyq emes.
Qosymsha effekt: asqorytý júıesin jaqsartady, teri men shashqa oń áserin tıgizedi.
Kimderge bul dıetany ustaýǵa bolmaıdy: kez kelgen sozylmaly aýrýy bar adamdar, júkti jáne emshekte balasy bar áıelder.
12 kúnnen turatyn dıetany 4 táýlikten qaıtalanatyn 3 kezeńge bólemiz. Demek, tórt kúnnen keıin qaıtadan birinshi kúnniń as mázirinen bastaısyz. Asqabaqtan daıyndalǵan taǵamnan keıin ashyrqaý sezimi ádettegideı jıi bolmaıdy.
Asqabaq dıetasynda taǵamnyń kólemine shekteý qoıylmaıdy. ıAǵnı ruqsat etiletin taǵamdy úsh ýaqyt qalaýyńyzsha jeýińizge bolady, biraq bul úsh ýaqyttan basqa kezde eshqandaı tiskebasarǵa ruqsat joq. Sondaı-aq suıyqtyqtan tek gazsyz sý (1,5 lıtrden kem emes) jáne kókshaı (3-4 kese) ishý kerek.
Birinshi kún
Tańǵy as: mındal qosylǵan asqabaq salaty (jańǵaq ornyna asqabaq dánin de paıdalanýǵa bolady) nemese maılylyǵy tómen sút ne sýǵa pisirilgen asqabaq botqasy.
Túski as: asqabaq ezbe sorpasy
Keshki as: túrli dámdeýishtermen buqtyrylǵan asqabaq.
Ekinshi kún
Tańǵy as: mındal qosylǵan asqabaq salaty (jańǵaq ornyna asqabaq dánin de paıdalanýǵa bolady) nemese maılylyǵy tómen sút ne sýǵa pisirilgen asqabaq botqasy.
Túski as: kókónis sorpasy men asqabaq pen jumyrtqanyń aǵynan nemese suly jarmasynan daıyndalǵan kotlet.
Keshki as: alma (peshke pisirilgen almalarmen almastyrýǵa bolady).
Úshinshi kún
Tańǵy as: mındal qosylǵan asqabaq salaty (jańǵaq ornyna asqabaq dánin de paıdalanýǵa bolady) nemese maılylyǵy tómen sút ne sýǵa pisirilgen asqabaq botqasy.
Túski as: taýyq etimen kókónis sorpasy
Keshki as: ananas pen asqabaqtan daıyndalǵan salat.
Tórtinshi kún
Tańǵy as: mındal qosylǵan asqabaq salaty (jańǵaq ornyna asqabaq dánin de paıdalanýǵa bolady) nemese maılylyǵy tómen sút ne sýǵa pisirilgen asqabaq botqasy.
Túski as: kókónis sorpasy nemese borş jáne býda pisirilgen kókónister
Keshki as: asqabaq pen ózge de kókónister (kartoptan basqasy) qosylǵan buqtyrylǵan ragý.
Dıetada berilgen taǵamdardyń daıyndalý joldary:
Jańǵaq qosylǵan asqabaq salaty
Qaby men dáninen tazartylǵan 100 gr shıki asqabaqty jińishkelep týrańyz. 2 shaı qasyq usaqtalǵan jańǵaq qosyp, azdaǵan bal, záıtún maıy nemese qospasyz ıogýrtpen aralastyryńyz. Salat daıyn!
Asqabaq botqasy
500 gr tazartylǵan asqabaqty tórtburyshtap týrap, 1 l sý quıyp jumsarǵansha qaınatý kerek. Aldyn ala sýǵa buqtyrylǵan qońyr kúrishten 7 as qasyq salyp, kúrish piskenshe taǵy qaınatyńyz. Odan keıin bir stakan maılylyǵy tómen sútten az-azdan quıyp, aralastyra otyryp, taǵy 5 mınýt qaınasyn. Biraz turǵannan keıin jyly kúıinde de, salqyndaı da ishýińizge bolady.
Asqabaqtan daıyndalǵan kotlet
Shaǵyn asqabaqty tazalap, kózi úlken úkkishten ótkizińiz. Otta buqtyryp, sýytyp alǵannan keıin 1 stakan suly jarmasyn, azdaǵan tuz ben eki jumyrtqanyń aǵyn qosyńyz. Ábden aralastyryp, shaǵyn kotletter daıyndańyz. Tabaǵa azdaǵan suıyq maı quıyp, pisirip alyńyz.
