Asyrap alǵan balalaryn quldyqta ustaǵan áıel eki jylǵa bas bostandyǵynan aıyrylýy múmkin

ASTANA. KAZINFORM – Іshki ister mınıstriniń orynbasary Igor Lepeha Ulytaý oblysynda balalardy qamqorlyǵyna ala turyp, birneshe jyl boıy quldyqta ustaǵan áıeldiń isine qatysty túsinik berdi.

«Bul áıelge qatysty eki bap boıynsha is qozǵadyq. Birinshisi – qamqorshy quqyǵyn asyra paıdalaný, ekinshisi – qorolyq jasaý. Qylmystyq istiń aıasynda qaraımyz. Onda zań boıynsha eki jylǵa deıin bas bostandyǵynan aıyrý jazasy eskerilgen», - dedi I.Lepeha Parlament Májilisinde tilshiler suraǵyna jaýap bere otyryp.

Budan buryn habarlanǵandaı, jaqynda Ulytaý oblysynda balalardy qamqorlyǵyna ala turyp, birneshe jyl boıy quldyqta ustaǵan áıel qamaýǵa alyndy. 

Eske sala keteıik, buǵan deıin Bala quqyqtary jónindegi ýákil Dınara Zakıeva Ulytaý oblysynda 5 jyl boıy fermada jumysqa jegilip, quldyqta bolǵan balalarǵa barǵany týraly habarlaǵan bolatynbyz.