Asyrap alǵan balalaryn qorlaǵan shymkenttik emshi aqyl-esi saý degen qujat ótkizgen

ASTANA. KAZINFORM — QR Oqý-aǵartý mınıstrligi bala quqyqtaryn qorǵaý komıteti Shymkentte alty balany júıeli túrde qorlady dep aıyptalǵan asyrap alýshy jóninde pikir bildirdi.

«Balalardy asyrap alý men qamqorlyqqa berý kezinde úmitker psıhıkalyq aýrýynyń joqtyǵyn rastaıtyn qajetti qujattar men anyqtamalar ótkizgen. Bul otbasynda alty bala boldy, onyń tórteýi qamqorlyqqa berilse, ekeýi tolyq asyrap alynǵan», — dep jaýap berdi QR Oqý-aǵartý mınıstrligi bala quqyqtaryn qorǵaý komıteti tóraǵasynyń orynbasary ıÝlııa Ovechkına Ortalyq kommýnıkatsııalar qyzmetinde. 

Onyń aıtýynsha, Qazaqstanda bala quqyǵyn qorǵaýdy jáne bilim berýdi qamtamasyz etý máselesi boıynsha zań jobasy ázirlenip jatyr.

Onyń sheńberinde qadaǵalaý jáne qamqorshylyq organdaryn ınstıtýtsıonaldyq kúsheıtý qaralýda. 

Sondaı-aq, elimizde qamqorshylyq organdarynyń 400 qyzmetkeri jumys isteıdi, al Shymkentte — 450 myń balaǵa bes qyzmetkerden ǵana keledi. 

«Bul máseleni sheshý kerek, balalar qamqorlyqqa alynǵan árbir otbasyna únemi baratyn jáne balanyń ómir súrý jaǵdaıyn baqylaıtyn qyzmetker taǵaıyndalýy kerek. Qalǵan suraqtar boıynsha qylmystyq is aqparatyn jarııa ete almaımyz», — dep túsindirdi spıker.

Buǵan deıin Shymkentte jergilikti emshiniń 6 balany qamqorlyqqa alyp, olarǵa ıt pen mysyqtyń etin bergenin, mal baqtyryp, úsh jyldan beri azaptap kelgenin jazǵan bolatynbyz.

Ol qazir arnaıy aýrýhanada jatyr.

Keıinirek emshi týraly tyń derek shyqty. Balalardyń eldiń birneshe qalasynan asyrap alynǵany belgili boldy.

Emshi isinen soń bilim salasynyń birqatar qyzmetkeri jazalandy.

Asyrap alynǵan balalardyń arasynda úsh aılyq egiz de bar.

Balalardyń biriniń ájesi Óskemende turady. Kazinform tilshisi 65 jastaǵy Natalıa Ýstınovamen jolyǵyp, jıen nemeresiniń asyraýǵa qalaı berilgenin surap kórdi.

Al Shymkenttegi balalar úıiniń basshysy emshiden qorlyq kórgen oqýshy týraly aıtyp berdi.

Búginde qoǵamdyq rezonans týǵyzǵan is sotqa kelip tústi.

Birer kún buryn osy balalarǵa qamqorlyq emes, qorlyq kórsetti dep aıyptalyp jatqan emshiniń isin qaraıtyn sýdıa belgili boldy.