Asyrap alǵan balalaryn qorlaǵan emshiniń isin qaraıtyn sýdıa belgili boldy

ShYMKENT. KAZINFORM — Shymkentte qamqorlyǵyna alǵan 6 balasyna qatygezdik tanytty dep aıyptalǵan jergilikti emshiniń qylmystyq isin kámeletke tolmaǵandar isteri jónindegi mamandandyrylǵan aýdanaralyq soty tóraǵasynyń mindetin ýaqytsha atqarýshy Bolat Qarabaev qaraıtyn boldy.

Qalalyq sottyń málimetinshe, alǵashqy otyrys 18 maýsymǵa belgilengen. Sot protsesi jabyq ótedi. 

Buǵan deıin Shymkentte jergilikti emshiniń 6 balany qamqorlyqqa alyp, olarǵa ıt pen mysyqtyń etin bergenin, mal baqtyryp, úsh jyldan beri azaptap kelgenin jazǵan bolatynbyz.

Keıinirek emshi týraly tyń derek shyqty.

Emshi isinen soń bilim salasynyń birqatar qyzmetkeri jazalandy. 

Budan ózge Kazinform redaktsııasyna emshi asyrap alǵan balalar týraly tyń derek kelip tústi.

Ondaǵy málimette búldirshinderdiń biri atalǵan otbasyna nebári 1,5 aılyǵynda qamqorlyqqa berilgeni kórsetilgen.

Asyrap alynǵan balalardyń arasynda úsh aılyq egiz de bar.

Ótken aptada qoǵamdyq rezonans týdyrǵan is sotqa kelip tústi.