Asyljan Arystanbekova Túrkııadaǵy jarystyń jartylaı fınalynda oınaıdy

ASTANA. KAZINFORM — Qazaqstandyq tennısshi, 19 jastaǵy Asyljan Arystanbekova Antalııa (Túrkııa) ITF W15 týrnıriniń jartylaı fınalyna shyqty. 

Álemniń 1293-raketkasy A.Arystanbekova shırek fınalda reıtıngide 1103-oryndaǵy marokkolyq Dıae El-Jardıge qarsy keldi.

Qarsylasynyń reıtıngide joǵary turǵanyna qaramastan, Asyljan aıqyn basymdylyq tanytty. Tipti birinshi partııada birde-bir geım bergen joq — 6:0. Ekinshi sette de qarqynyn báseńdetpedi — 6:2.

A.Arystanbekova fınalǵa shyǵý úshin reıtıngide 1262-satydaǵy rýmynııalyq, 16 jastaǵy Sara Vıktorııa Balanmen talasady. 

Asyljan otandasy Іńkár Dúısebaımen birge juptyq synda da jartylaı fınalǵa shyqty. Endi qazaqstandyq dýet marokkolyq Dıae El-Jardı — rýmynııalyq Marııa Sara Popany jeńse, fınalǵa joldama alady.

Eske sala keteıik, budan buryn Asyljan Arystanbekovanyń Túrkııadaǵy týrnırdiń shırek fınalyna shyqqanyn jazǵan edik.