Asyljan Arystanbekova Túrkııadaǵy týrnırdiń shırek fınalyna shyqty

ASTANA. KAZINFORM — Qazaqstandyq tennısshi, 19 jastaǵy Asyljan Arystanbekova Antalııa (Túrkııa) ITF W15 shırek fınalyna joldama aldy.

Álemniń 1293-raketkasy A.Arystanbekova alǵashqy aınalymda reıtıngide 1421-orynda turǵan ırandyq Meshkatolzahra Safıdyń mysyn basty.

Birinshi partııa 6:3 esebimen Asyljannyń esebine jazyldy. Ekinshisinde ırandyq sportshy ese qaıyrdy — 6:4. Sýper taı-breıkte qazaqstandyq tennısshi jeńisti julyp aldy.

Búgin A.Arystanbekova álemniń 1040-raketkasy Anna Snıgırevamen sheberlik baıqasty. Bul joly Asyljan match taǵdyryn eki sette sheshti — 7:5, 6:4.

Taǵy bir qazaqstandyq, 18 jastaǵy Anastasııa Krymkova alǵashqy aınalymda frantsııalyq Ellıs Rıjege jol berdi — 2:6, 2:6.

Qazaqstandyqtar juptyq synda da óner kórsetedi. A.Arystanbekova Іńkár Dúısebaımen, A.Krymkova Eva Koryshevamen birge baq synaıdy.

Budan buryn Asyljan men Іńkár Antalııadaǵy dál osyndaı jarysta jeńimpaz atanǵan bolatyn. 

Eske sala keteıik, budan buryn Elena Rybakınanyń Qytaıdaǵy álemdik dodada óner kórsetetinin jazǵan edik.