Asylhan Kósherbaı bokstan U23 Azııa chempıonatyn sátti bastady
ASTANA. KAZINFORM - Qazaqstandyq Asylhan Kósherbaı (65 keli) búgin bokstan Indonezııa astanasy Djakarta qalasynda jalaýyn kótergen 23 jasqa deıingi sportshylar arasynda Azııa chempıonatyn jeńispen bastady.
Otandasymyz 1/8 fınalda Býtan ókili Dechen Dorjımen qolǵap túıistirgen edi. Alǵashqy raýndtan-aq otandasymyzdyń basymdyǵy birden bilinip, qarsylasynan bir bas joǵary boldy. Úsh raýndqa jalǵasqan jekpe-jekte tóreshiler otandasymyzdy biraýyzdan (5:0) jeńimpaz dep tanydy.
Sondaı-aq búgin keshki sessııada (Qazaqstan ýaqytymen 15:00) 1/8 fınalda 4-jupta Nurasyl Tólebek (60 keli) tájikstandyq Damır Mýbalıhonov sharshy alańǵa shyǵady.
Aıta ketsek, qurlyqtyq dodaǵa U23 erler quramasynda olardan ózge Nurzat Ońǵarov (50 keli), Beksultan Boranbek (55 keli), Nurbek Mursal (70 keli), Aman Qonysbek (75 keli), Óner Seıilhan (80 keli), Temirlan Muqataev (85 keli), Ibragım Betaev (90 keli), Aslan Eldibaıuly (90 keliden joǵary) synǵa túsedi. Bas bapker - Maqsat Baqtybazarov.
Sondaı-aq qurlyqtyq dodada U23 qyzdar, U19 uldar jáne qyzdar quramalary el namysyn qorǵaıdy.
World Boxing uıymy boksshylardyń kezekti jańartylǵan reıtıngin jarııalady. Jańa tizimde qazaqstandyq birneshe boksshy ózderiniń kóshbasshy oryndaryn saqtap qaldy.
