Asylbek Dúısenov BQO boıynsha ekonomıkalyq tergep-tekserý departamentin basqarady
Qarjylyq monıtorıng agenttigi tóraǵasynyń buıryǵymen Asylbek Ábilhaıyruly Dúısenov Batys Qazaqstan oblysy boıynsha ekonomıkalyq tergep-tekserý departamentiniń basshysy bolyp taǵaıyndaldy, dep habarlaıdy Kazinform.
Búgin oblys aktıvi jınalysynda departamenttiń jańa basshysy tanystyryldy.
Atalmysh departamentten túsken málimetke qaraǵanda, Asylbek Dúısenov 1980 jyly 19 aqpanda Aqmola oblysy, Zerendi aýdanynda dúnıege kelgen.
Bilimi joǵary. 2001 jyly Almaty ekonomıka jáne statıstıka ınstıtýtyn «býhgalterlik esep jáne aýdıt», 2004 jyly D. Qonaev atyndaǵy ýnıversıtetin «quqyqtaný» jáne 2016 jyly Qazaq sport jáne týrızm akademııasyn «karate jattyqtyrýshysy» mamandyǵy boıynsha bitirgen.
A.Dúısenov 2021-2023 jyldar aralyǵynda quqyq qorǵaý salasynda ártúrli laýzymdarda jumys istedi.
2023 jylǵy 6 sáýirden bastap Qarjylyq monıtorıng agenttigi tóraǵasynyń buıryǵymen BQO boıynsha ekonomıkalyq tergep-tekserý departamenti basshysynyń mindettin ýaqytsha atqardy.
