Asyl tuqymdy mal sharýashylyǵyn sýbsıdııalaý qaǵıdalaryna ózgeris engizildi
ASTANA. KAZINFORM – Otandyq óndirýshilerdi qoldaý jáne asyl tuqymdy mal satyp alý kezindegi qarjylyq júktemeni azaıtý maqsatynda salany sýbsıdııalaý qaǵıdalaryna ózgerister engizildi, dep habarlaıdy AShM.
Engizilgen ózgeristerge sáıkes, otandyq jáne ımporttyq asyl tuqymdy mal satyp alýǵa beriletin sýbsıdııalar normatıvteri qoldanystaǵy mólsherden 75 paıyzǵa arttyryldy.
Qujat 2025 jylǵy 20 qarashada № 37444 tirkeý nómirimen QR Ádilet mınıstrliginde tirkeldi.
Normatıvtik quqyqtyq akt 2025 jylǵy 24 qarashada QR normatıvtik quqyqtyq aktileriniń Etalondyq baqylaý bankiniń saıtynda elektrondyq túrde jarııalanyp, 2025 jylǵy 5 jeltoqsannan bastap kúshine enedi.
Aıta keteıik, buǵan deıin asyl tuqymdy mal sharýashylyǵyn damytýǵa baǵyttalǵan «Igilik» baǵdarlamasy bastalatyny habarlanǵan bolatyn.