Asyl tuqymdy mal sharýashylyǵy salasyndaǵy qujat nysandary qaıta qaralady
ASTANA. KAZINFORM — Aýyl sharýashylyǵy mınıstrligi asyl tuqymdy mal sharýashylyǵy salasyndaǵy memlekettik ınspektor aktileriniń nysandaryna ózgerister engizý týraly buıryq jobasyn qoǵamdyq talqylaýǵa shyǵardy. Qujat resmı ınternet-resýrsta jarııalandy.
Buıryq jobasy 2026 jylǵy 15 naýryzdaǵy QR Konstıtýtsııasyna jáne Qazaqstan Respýblıkasynyń 2026 jylǵy «Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy jáne bal ara sharýashylyǵy máseleleri boıynsha ózgerister men tolyqtyrýlar engizý týraly» Zańynyń talaptaryna sáıkes keltirý maqsatynda redaktsııalyq túzetýlerdi kózdeıdi.
— Buıryqty merzimdi baspa basylymdarynda jáne «Ádilet» aqparattyq-quqyqtyq júıesinde jarııalaýdy kózdeıtin eskirgen norma alyp tastaldy, sondaı-aq «oblystardyń, respýblıkalyq mańyzy bar qalalardyń, astananyń» degen sózder «astananyń, oblystardyń, respýblıkalyq mańyzy bar qalalardyń» degen sózdermen aýystyrylady, — delingen qujatta.
Vedomstvonyń málimetinshe, osy ózgeristerdi qabyldaý buıryq jobasyn 2026 jylǵy 15 naýryzdaǵy QR Konstıtýtsııasyna jáne Qazaqstan Respýblıkasynyń 2026 jylǵy «Qazaqstan Respýblıkasynyń keıbir zańnamalyq aktilerine asyl tuqymdy mal sharýashylyǵy jáne bal ara sharýashylyǵy máseleleri boıynsha ózgerister men tolyqtyrýlar engizý týraly» Zańynyń talaptaryna sáıkes keltirýge múmkindik beredi.
Jobany talqylaý 13 shildege deıin jalǵaspaq. Aýyl sharýashylyǵy mınıstrligi barlyq múddeli tulǵalardy «Ashyq NQA» portalynda qoǵamdyq talqylaýǵa qatysýǵa shaqyryp otyr.
