Asyl Aıtaqyn men Sanjar Dosjanov álem chempıonatynda qarsylasyna esh múmkindik bermeı, jeńiske jetti
ASTANA. KAZINFORM — Astanada erkin kúresten álem chempıonatynda kezekti salmaqtaǵy beldesýler ótip jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Qazaqstan komandasynyń sportshysy (-61 kg) Asyl Aıtaqyn alǵashqy beldesýinde qyrǵyz qarsylasy Omýrbek Asan ýýlýmen kúsh synasyp, 4-0 esebimen utty. Endi kelesi aınalymda qazaq bozkilem sheberi álem chempıonatynyń qola júldegeri (2025 j), ázerbaıjandyq Nýraddın Novrýzovpen kezdesedi.
Al 70 kg deıingi salmaqtaǵy otandasymyz Sanjar Dosjanov irikteýde kenııalyq ıÝdjın Osale Omýlýlany merziminen buryn jeńdi. Dosjanovtyń kelesi qarsylasy byltyrǵy álem chempıonatynyń kúmis júldegeri - Mońǵolııa palýany Týlga Týmýrochır bolady.
Aıta keteıik, balýan Edige Qasymbek Astanada ótip jatqan kúresten álem chempıonatyndaǵy alǵashqy beldesýinde jeńiske jetti.
