Asyl Aıtaqyn kúresten álem chempıonatynda qola júldege bir qadam jetpeı qaldy
ASTANA. KAZINFORM — Qazaqstandyq erkin kúres sheberi Asyl Aıtaqyn Astanada ótip jatqan álem chempıonatyndaǵy jarysyn aıaqtady.
61 kelige deıingi salmaq dárejesinde óner kórsetken otandasymyz qola medal úshin ótken beldesýde AQSh balýany Markýs Glenn Bleızben kezdesti.
Tartysty beldesýde amerıkalyq balýan basym túsip, jeńiske jetti. Osylaısha, Asyl Aıtaqyn álem chempıonatyn besinshi orynmen aıaqtady.
Eske salaıyq, buǵan deıin Nurqoja Qaıpanov kúresten álem chempıonatynyń altyn medali úshin baq synaıtynyn jazǵan edik.
