Asianboxing.info: Álimhanulynyń kásibı bokstaǵy alǵashqy kezdesýi rasynda da keremet boldy
ASTANA. QazAqparat - Asianboxing.info portaly Jánibek Álimhanulynyń kásibı bokstaǵy alǵashqy kezdesýine osyndaı baǵa berdi, dep jazady Sports.kz.
«Eger shyndyqty aıtatyn bolsaq, 2016 jylǵy Olımpıada oıyndary óziniń daý-janjaldarymen este qalatyn boldy. Bul rette Djo Djoıs, Vasılıı Levıt pen Maıkl Konlannyń jekpe-jekterin mysalǵa keltirýge bolady. Soǵan qaramastan sportshylardyń kópshiligi ózderiniń áleýetiniń myqty ekendigin kórsetip, olar budan da bıik belesterdi baǵyndyra alatyndaı áser qaldyrdy.
Bolashaǵynan zor úmit kúttiretin osyndaı boksshylardyń biri - qazaqstandyq Jánibek Álimhanuly. Ol jýyrda ǵana óziniń kásibı bokstaǵy alǵashqy kezdesýin ótkizdi. Kezdesý ótkizgende de tájirıbeli, soqqylar tegeýrindi, myqty boksshy, kolýmbııalyq Mılton Nýneske qarsy shyqty. Jánibek áıgili kolýmbııalyqty alǵashqy raýndta-aq uryp jyqty.
«Biz árıne, Jánibektiń áýesqoılar arasynda da tanymal ekenin jaqsy bilemiz. Ol túrli deńgeıdegi jarystardyń jeńimpazy. Al, onyń kásibı bokstaǵy alǵashqy jekpe-jegi rasynda da keremet boldy. 23 jasar boksshy soqqylar men qımyldardy tańdaýda óte joǵary dárejedegi sheberligin kórsetti», -dep jazady basylym.
