Asian Challenge Cup: voleıboldan Qazaqstan áıelder quramasy Vetnamnan jeńildi

ASTANA. KAZINFORM – Voleıboldan Qazaqstan áıelder quramasy Asian Challenge Cup týrnırindegi ekinshi oıynynda Vetnamǵa ese jiberdi. 

Birinshi sette 14:25 esebimen Vetnam quramasy jeńiske jetti. Ekinshi partııada da qarsylas komandanyń oıynshylary (25:19) qazaqstandyq voleıbolshylardan bir bas joǵary boldy. Tek úshinshi sette ǵana Qazaqstan quramasy 25:14 esebimen basym tústi. Alaıda sheshýshi tórtinshi kezeń 23:25 esebimen qarsylas komandanyń paıdasyna jazyldy. Qorytyndy esep – 1:3.  

Qurama oıynshylary úshinshi kezdesýdi 25 mamyr kúni Sıngapýrge qarsy ótkizedi. 

Eske salsaq, buǵan deıin ındorhokkeıden Qazaqstan erler quramasy Iranǵa ese jibergenin jazǵan bolatynbyz.