«AsiaCredit Bank» Erdenaevtyń taqqan aıybyna jaýap berdi
Banktiń baspasóz qyzmetiniń habarlaýynsha, osy aqparattyń shyndyqqa janaspaıtynyn jáne resmı qujattarmen rastalmaǵanyn málimdeıdi.
«B.S. Kenjebaevpen jáne «Býzgýl Aýrým» JShS-pen azamattyq-quqyqtyq qarym-qatynas barysynda Bank qatań túrde zańnamanyń jáne jasalǵan sharttardyń talaptaryna sáıkes áreket etti. BJZQ aqshalaı qarajatyn Banktiń jymqyrǵany týraly aıyptaý dáıeksiz jáne dálelsiz, sebebi Banktiń B.S. Kenjebaevty qarjylandyrý sheńberinde BJZQ-pen eshqandaı qarym-qatynasy bolmaǵan. Budan ózge, sotqa deıingi tergep tekserý kezinde Bankke eshbir aıyp taǵylmaǵan», - dedi baspasóz qyzmetinen.
Sonymen qatar, bank iskerlik bedelin qorǵaý úshin sot nemese ózge ınstantsııalarǵa júginýge nıetti.
Aıta ketý kerek, búgin BJZQ isi boıynsha sotta Rýslan Erdenaevtyń qorǵaýshysy «AsiaCredit Bank» AQ múlkine tyıym salýdy suraǵan bolatyn. Onyń aıtýynsha, bank basshylyǵy zańǵa qaıshy áreketterge jol bergen. Óz kezeginde onyń qorǵaýshylary «AsiaCredit Bank» áreketi boıynsha prokýratýraǵa qaýly túsirý týraly ótinish aıtty.
Sýdıa bul ótinimdi istiń sońyna taman qaraýǵa sheshim shyǵardy.
