«Asia Folk 2025»: Azııa halyqtarynyń óneri Mońǵolııada toǵysady

ASTANA. KAZINFORM — 13 maýsymda Ulanbatyr qalasynda Azııa qalalarynyń folklory men halyq qolóneri festıvali — «Asia Folk 2025» bastalady, dep jazady Montsame.

Shara el astana ákimshiligi basshysynyń bastamasymen ótedi.

Úsh kúnge sozylatyn festıvalge Japonııa, Koreıa Respýblıkasy, Úndistan Respýblıkasy, Qytaı Halyq Respýblıkasy, Vetnam Sotsıalıstik Respýblıkasy jáne Ózbekstan Respýblıkasy sııaqty 11 elden 170 mádenıet ókili tirkelgen.

13–15 maýsym aralyǵynda Súhbaatar alańynda sheteldik jáne mońǵolııalyq halyq ónerpazdarynyń birlesken kontserti, Azııa elderiniń ulttyq kıimder sherýi men kórsetilimi, sondaı-aq qoldan jasalǵan buıymdar kórme-jármeńkesi ótedi.

Bıyl «Asia Folk» festıvali segizinshi ret uıymdastyrylyp otyr. Alǵash ret ol 2019 jyly «Azııa halyq óneri festıvali» ataýymen ótken, al 2020–2022 jyldary pandemııaǵa baılanysty onlaın formatta ótkizilgen.

«Asia Folk» festıvali sheteldik týrısterge ǵana emes, sonymen qatar mońǵol halqyna da Azııa halyqtarynyń mádenı murasymen jáne halyq ónerimen jaqynyraq tanysýǵa múmkindik beredi.

Buǵan deıin Mońǵolııada qoı qyrqý boıynsha álemdik saıys jáne alǵash ret sút festıvali ótetinin jazǵan edik.